Doganierët grekë do të hyjnë në një grevë 48-orëshe të martën më datë 2 prill në orën 08.00 të mëngjesit dhe deri në 4 prill në 08.00 të mëngjesit.
Pjesë e kësaj greve do të jenë të gjithë doganierët në kufijtë e Greqisë me Maqedoninë e Veriut në Niki dhe me Shqipërinë në Kapshticë.
Gjatë këtyre dy ditëve do të ndalohet çdo qarkullim i automjeteve por edhe i kamionëve drejt dy vendeve ballkanike dhe prej tyre drejt Greqisë, sipas informacioneve nga përfaqësuesit e doganave të këtyre dy stacioneve kufitare.
Probleme do të ketë edhe për lëvizjen e mallrave në portet dhe aeroportet e vendit.
Për të shmangur shqetësimet e banorëve dhe vizitorëve, lëvizja e qytetarëve do të bëhet vetëm për raste të veçanta si probleme shëndetësore.
Sindikata e doganave tha se vendimi për fillimin e grevës ishte i pa shmangshëm pasi qeveria nuk ka përmbushur asnjë nga pikat e kërkesave të kësaj sindikate.
