Një incident i rëndë ka ndodhur mbrëmjen e kësaj të shtune në Durrës, ku një konflikt mes dy qytetarëve dhe një mekaniku ka shkaktuar tension në zonë. Bëhet me dije se një i kishte lënë makinën e tij për ta rregulluar në një servis, por mekaniku ishte ‘zhdukur; duke e bërë të pamundur komunikimin me të.
Automjeti i tij jo vetëm që ishte riparuar, por edhe mekaniku kishte bërë xhiro me të nëpër qytet, Në përpjekje për të zgjidhur situatën, i ri bashkë me të atin janë nisur drejt servisit pasditen e kësaj të shtune.
Megjithatë, tentativa për sqarim nuk ka shkuar siç pritej, pasi sipas burimeve, një konflikt i rëndë ka ndodhur në vendngjarje. I ati i pronarit të makinës është marrë peng në automjetin e djalit të tij.
Grupi hetimor dhe forcat e policisë janë të pranishëm në vendngjarje dhe po bëjnë përpjekje për të zbardhur detajet dhe për të trajtuar situatën. Më shumë informacione priten të dalin në vijim të hetimit.
