Skemat e mashtrimit, ku të huajt dhe jo vetëm, marrin shërbime dhe produkte dhe nuk paguajnë për to, janë të shpeshta.
Në fakt denoncimi që ka ardhur pranë redaksisë së JOQ Albania flet për një shumë të konsiderueshme, që nuk është paguar nga një nomad dixhital. Pronari i një serie apartamentesh në Tiranë shkruan në redaksinë e JOQ se Vincent Saldana, nga Chicago ka qëndruar në apartamentet e tij për rreth dy muaj e gjysëm dhe është larguar pa paguar një shumë prej 1085 eurosh.
Marrëveshja ka qenë e tillë, që Saldana do qëndronte deri më 10 nëntor, kështu që duke marrë parasysh edhe këtë interval kohor, shuma e papaguar në total nga personi është 1735 euro. Qytetari që denoncon për JOQ Albania tregon dyshimet e tij që kjo mund të jetë një taktikë e nomadit dixhital, që mund ta ketë bërë edhe në vende të tjera.
Po ashtu ai thekson se Vincet Saldana tashmë ka mbyllur rrjetet sociale në mënyrë që të mos gjendet, përvecse “Linkedin”. Në kohën kur qëndronte në apartament, ai e zvarriste procesin e pagesës duke u justifikuar se do i niste para motra e tij. Pronari i apartamentit në Tiranë shton se mendon që nuk është larguar nga Shqipëria, thënë kjo pasi kur e kontakton në numrin shqiptar që mbante, thirrja i shkon, pavarësisht se nuk e hap telefonin.
QYTETARI SHKRUAN: