Në datën 14 shtator u përfshi nga flakët një pallat shumëkatësh në zonën e ish-parkut të Autobusëve, në rrugën 'Sali Butka' Tiranë. Zjarri ra në një pallat 10-katësh, teksa ngjarja është referuar në prokurori si aksidentale.
Hetimet për ngjarjen vijojnë, ndërsa grupi hetimor po pret autorizime nga prokurori i çështjes për të vijuar me marrjen në pyetje edhe të personave të tjerë, përfshirë edhe pronarin e pallatit, shtetasin Tanush Mëhillaj.
Ekspertët e zjarrfikëses vijojnë punën për të zbuluar shkakun e zjarrit, deri në daljen përfundimtare të ekspertizës, teksa dyshimet e para janë se shkak për zjarrin është bërë mbinxehja e kondicionerit.
