Pisllëku ka mbuluar Tiranën dhe këtë e faktojnë denoncimet e qytetarëve që çdo ditë dërgojnë në redaksinë e JOQ foto e video ku paraqitet situata alarmante e papastërtisë në kryeqytetin e Shqipërisë.
Së fundmi një qytetar ka dërguar në redaksi pamje të zonës ngjitur me shkollën "Bajram Curri". Siç shihet në video plehrat janë përhapur gjithandej në rrugë, pasi koshat e mbeturinave janë të tejmbushur.
Qytetari shkruan se në rrugë kalojnë qytetarë të shumtë, sidomos fëmijët, të cilët rrezikojnë të marrin infeksione për shkak të mikrobeve dhe pisllëkut si pasojë e mospastrimit të kazanëve të mbeturinave nga punonjësit e Pastrim Gjelbërimit, institucion i varur nga Bashkia Tiranë.
Qytetari:
Përshëndetje foto ndodhet ne tiranë ngjitur me shkollën Bajram Curri kalojnë qytetaret dhe sidomos fëmijët nga me te vegjël tek te mëdhenjtë mikrob e pisllëk përditë kështu e shef.
