Një ngjarje e rëndë ka ndodhur ditën e djeshme në Ballsh pasi një 60-vjeçar i ka dhënë fund jetës duke konsumuar medikamente mjekësore.
Duke qenë në gjendje të rënduar emocionale, Petrit Jaupaj, 60 vjeç, ka shkuar te varrezat dhe duke konsumuar medikamente mjekësore i ka dhënë fund jetës pranë varrit të bashkëshortes së tij.
Kanë qenë qytetarët ata që kanë gjetur trupin e pajetë të 60-vjeçarit, i cili ishte mesues i lëndës së Bio- Kimisë në shkollën 9- vjeçare “ 5 Shkurti” në Ballsh, ndërsa rreth 1 vit e gjysëm më parë bashkëshortja e tij kishte ndërruar jetë si pasojë e një sëmundjeje të rëndë.
Trupi i pajetë i 60- vjeçarit është dërguar në morgun e Spitalit Rajonal Fier, për kryerjen e ekspertizës mjeko- ligjore.
Njoftimi i Policisë:
Mallakatër/Informacion paraprak/ Në varrezat e qytetit të Ballshit, shtetasi P. J., 60 vjeç, dyshohet se ka konsumuar sasi medikamentesh mjekësore dhe për pasojë ka ndërruar jetë.
Grupi hetimor po punon për sqarimin e plotë të rrethanave të ngjarjes.
