Spitali i Elbasanit apo i njohur gjatë me emrin Qendra Spitalore XHAFERR KONGOLI Elbasan, është një prej atyre institucioneve që nuk të fal për çështje tenderash. Si duket ka mësuar mirë nga tashmë ish-ministrja Ogerta Manastirliu dhe vazhdon punën nën shembullin e saj. Kjo e fundit ka qenë ende në detyrë gjatë shpalljes së fituesit të këtij tenderi.
Në rastin konkret do t’ju tregojmë se si ky spital i drejtuar nga Agron Gaxho ka organizuar një tender të dyshimtë. Bëhet fjalë për procedurën me objekt “Mirëmbajtje e pajisjeve të mëdha mjeksore CT Skaner dhe Rezonancë Magnetike” me numër reference REF-76955-08-07-2023.
Fondi limit i saj është 26,344,800 lekë të reja pa TVSH ose gati 316 milionë lekë të vjetra me TVSH. Po ku qëndron problemi? Nëse do të shfletojmë dokumentat e kësaj procedure do të vihet re se ka marrë pjesë vetëm fituesi.
Pra jemi në kushtet e një mungese totale të konkurrencës. Duke shtuar këtu që kemi të bëjmë edhe me mirëmbajtje, dyshimet për një garë fiktive rriten së tepërmi. Sa për statistikë, fituese është shpallur firma HEALTH & LIGHT SHPK e krijuar nga Erion Çela dhe Ervis Mançe. Në 14/12/2022 këta dy ortakë i kanë transferuar kuotat e kapitalit në favor të një personi të quajtur Petrit Vargu.
Ata kanë dhënë si ofertë shifrën 26,344,800 lekë të reja pa TVSH ose rreth 316 milionë lekë të vjetra përfshirë TVSH. Por vini re diçka, del se vlera fituese është identike me fondin limit, pra ka qenë e qartë që në fillim se cili do të fitonte dhe e gjithë procedura e këtij tenderi ka qenë një farsë e vërtetë e denjë për SPAK.
FACT CHECK:
Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e
raportoni këtu.
Heroit të Muajit
KLIKO PËR TË VOTUAR
Turisti në Shkodër
I pari në listë është turisti në Shkodër, i cili i vetëm mblidhte para për të ushqyer qentë e rrugës. Ai i binte kitarës në pedonale dhe priste që qytetarët t’i hidhnin ndonjë të hollë për të ndihmuar katërputroshët.
Ardian Ismajli
I dyti në listë është Ardian Ismajli. Ai është në këtë listë, pasi na tregoi se sa e rëndësishme është nëna. Ismajli, pas mbarimit të ndeshjes me Poloninë, veprimin e parë që bëri ishte përqafimi i nënës. Ai shkoi jashtë fushe dhe përqafoi me mall nënën e tij, e cila e uroi për fitoren.
Polici i rrugores
I treti është polici i rrugores në Tiranë, i cili ndihmoi të moshuarin që të kalonte rrugën. Ai ndaloi qarkullimin e makinave, mori të moshuarin prej krahu dhe e kaloi në anën tjetër të rrugës.
Mërgim Vojvoda
I katërti në listë është Mërgim Vojvoda, futbollisti i kombëtares së Kosovës, i cili nuk u tremb aspak nga ulërimat e rumunëve që thërrisnin fort “Kosova është Serbi”. I qetë dhe i guximshëm ai bëri shqiponjën me duar përballë tyre.
Shqiptarët në Greqi
Të pestët në listë janë shqiptarët në Greqi, të cilët me gomonen e tyre shpëtuan 800 grekë nga përmbytjet që përfshinë zonën e Larisës në Greqi. Të gjithë i pamë videot, ku shqiptarët mbanin mbi supe të moshuar grekë që i nxirrnin nga uji.
Turistet nga Ukraina
Turistet nga Ukraina, të cilat morën nismën për të pastruar plazhin në Vlorë. Ato pastruan çtë gjenin në breg të detit. Plehrat ishin lënë aty nga qindra pushues shqiptarë.
Zjarrfikësi i Tiranës
I shtati në listë është zjarrfikësi i Tiranës, i cili me një litar të lidhur në brez, hyri nga ballkoni për t’i ardhur në ndihmë një të moshuare që ishte bllokuar brenda banesës. Edhe pse në kushte të këqija ai nuk u mendua dy herë për këtë veprim.
Afrim Bunjaku
I teti në listë është efektivi i policisë së Kosovës, Afrim Bunjaku. Ai u vra tinzërisht nga terroristët serbë, të cilët ishin në përpjekje për të aneskuar veriun e Kosovës. Polici i Kosovës humbi jetën në përplasje me këta terroristë. Ai la pas dy fëmijë.
