Qytetit i Elbasanit vazhdon me sistemin e vjetër të parkimit, ku brenda në qytet mund të gjejmë edhe parkim pa pagesë. Por, duke parë se sa po fiton Veliaj në Tiranë duke privatizuar çdo cep parkimi, edhe Gledjan Llatja i Elbasanit do të ndjekë të njëjtin shembull.
Për t’ia arritur asaj ditë kur do të grumbullojë para me thasë, Llatja ja ka nisur me hapjen e projektit me objekt “Sistemi i menaxhimit te parkimit publik dhe ndërlidhjes me DPSHTRR Elbasan, etj”, me fond limit 375 milionë lekë.
Sipas dokumentit, këto para do të shpenzohen për të vendosur kontroll në të gjitha pikat e parkimit dhe për t’i lidhur këto të dhënat me DPSHTRR-në. Dhe që në këtë pikë ka nisur me abuzime dhe na parashtron se çfarë përmasash do të marrë kjo aferë kur të vihet në zbatim.
Në dokumentet e këtij tenderi shohim se kanë paraqitur oferta vetëm dy firma. “AlbaScan” Sh.p.k kishte ofertën me vlerë rreth 370 milionë lekë dhe “PC STORE” Sh.p.k kishte ofertën me vlerë 310 milionë lekë. Kjo e fundit ka një ofertë shumë më ekonomike dhe ka treguar se plotëson kriteret për këtë shërbim.
Por, Llatja e ka skualifikuar nga gara dhe ka lënë të vlefshme vetëm ofertën e AlbaScan” Sh.p.k, në pronësi të Elton dhe Elision Jorgjis. Dy biznesmenë që shpesh herë janë gostitur me tenderë nga Mirlinda e AKSHI-t, ndërsa tani po gllabërojnë para edhe nga bashkitë.
Sikur shohim pas analizës së fakteve edhe këtë tender ata e kanë rrëmbyer pa garë dhe me ofertën më të shtrenjtë.
Kur Llatjas po i kushton kaq shumë para vetëm sistemimi i vendeve të parkimit, mund ta imagjinojmë se sa do të shkojnë shpenzimet për implementime sistemi dhe mirëmbajtje të parkimit. Me pak fjalë, Llatja sapo hapi një burim tjetër aferash.
FACT CHECK:
Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e
raportoni këtu.
Heroit të Muajit
KLIKO PËR TË VOTUAR
Djali dhe vajza, që shpëtuan këlyshët
Në listë, të parët, janë djali dhe vajza, të cilët shpëtuan 6 këlyshë, që ishin hedhur në një pusetë. Djali gjeti një palë shkallë dhe i nxorru këlyshët e vegjël, ndërsa vajza u kujdes personalisht që ata të adoptoheshin dhe sot gëzojnë shëndet të mirë.
I riu që pastron rrugët
I dyti në listë është i riu nga Tirana, i cili nuk ka këmbët, por me zemrën e madh edhe shpirtin fisnik pastron rrugët e qytetit, që shpeshherë harrohen nga përgjegjësit. Videoja e tij, ku ai pastronte rrugën mori shumë komente pozitive.
Klasa e XII në Elbasan
Të tretët janë shokët e klasës së maturantit me aftësi të kufizuara, nga Elbasani. Ata e bënë maturantin të përjetonte emocione të veçanta, duke mos u ndjerë ndryshe nga të tjerët. Kërcimi i tyre në grup është një nga më të komentuarit, me qytetarë që kërkonin, që kjo klasë e maturantëve të futej në garën për heroin e muajit.
I riu shkodran
I katërti është i riu shkodran, që edhe pse i pastrehë dhe në kushte të vështira ekonomike, ushqen qentë e rrugës. Ai përpiqet gjithë ditën që të sigurojë bukën e gojës së tij, por kjo nuk e ka ndaluar që të mendojë edhe për kafshën besnike.
Emigranti shqiptar
I pesti është emigranti shqiptar, i cili erdhi nga Italia dhe pa që në varrezat e fshatit të tij, askush nuk kishte ndërhyrë për t’i pastruar. Kështu që ai mori mjetet e punës vetë dhe bëri atë që pushteti vendor nuk e ka bërë.
I riu që shpëtoi turistët
I gjashti është shqiptari, i cili shpëtoi turistët në Kanionin e Osumit në Skrapar. Ky lajm na u bë me dije nga vetë turistët. Qytetari nga ajo zonë nxorri nga kanioni turistët që kishin ngecur në ujërat e lumit dhe po u rrezikohej jeta.
Studenti i mjekësisë
I shtati është studenti i mjekësisë, i cili nuk iu tremb aspak përballjes me dy ministret dhe rektorin e Universitetit. Ai ia përplasi në sy faktin që Universiteti i kësaj periudhe nuk i përket kësaj gjenerate, por gjeneratës tjetër. Ky student mori shumë duartrokitje, jo vetëm në sallë, por nga të gjithë që e dëgjuan në rrjetet sociale.
Nazlie Selimaj
E teta është infermierja shqiptare në Zvicër që shpëtoi nga mbytja një 4-vjeçar. Nazlie Selimaj, teksa ishte në pishinë ndërhyri në kohë për të shpëtuar jetën e një fëmije afgan.
Haram i Muajit
KLIKO PËR TË VOTUAR
Polici hajdut
I pari në listë, është polici nga Shkodra, i cili u kap nga kamerat e një lavazhi duke vjedhur lekë në një makinë private. Në fillim efektivi i policisë e mohoi se i kishte vjedhur, por kamera e nxorri zbuluar. Tashmë ai është i pezulluar nga Policia e Shtetit.
Aleko Myrtollari
I dyti është Aleko Myrtollari, burri nga Korça, i cili masakroi me thikë bashkëshorten e tij, në sy të fëmijëve të mitur. Bashkëshortja e Myrtollarit, Marjola ndërroi jetë në spitalin e Traumës.
Eldjo Beko
I treti është Eldjo Beko, djali i biznesmenit, i cili mashtroi shoqen e tij, duke i marre më shumë se dhjetë mijë euro, me premtimin se do i shiste një makinë të mirë. Beko vetëm e mashtroi dhe e reja e denoncoi rastin në JOQ.
Anglezët hajdutë
Rasti i katërt bën fjalë për çiftin anglez, të cilët vodhën shishen e alkoolit në një barr në Dhërmi. Ky veprim ka marrë shumë komente negative. Vjedhja është kapur nga kamerat e sigurisë.
Nëna që vë në rrezik djalin
E pesta është nëna, që nuk kujdeset aspak për djalin e saj. Përkundrazi ajo e filmon djalin e mitur duke drejtuar një automjet. Kjo e kënaq shumë nënën që e ka postuar edhe në rrjetet sociale, pa e marrë parasysh rrezikun.
Pronari i hotelit në Himarë
I gjashti është pronari i hotelit në Himarë, i cili terrorizoi turistet gjermane. Në gjendje të dehur, ai jo vetëm që nuk i mirëpriti turistet, por i terrorizoi ato duke i ngacmuar seksualisht. Kjo video ka marrë shumë komente negative.
Mësuesi pedofil
I shtati është mësuesi nga Kosova, i cili puthi në buzë një nxënëse të klasës së shtatë. Valentin Selmanaj, gjeti të vetme vajzën e mitur dhe përfitoi nga ajo. Ai u arrestua nga policia e Kosovës.
Faturino dhe shoferi i Green Line
Rasti i tetë ka të bëjë me faturinon dhe shoferin e Green Line të cilët dhunuan me shkelma dhe grushta babë e bir. Babë e bir i kërkuan llogari punonjësve të linjës së urbanit se përse nuk i njoftojnë për stacionet ku ndalon autobusi, pasi kishin shkuar shumë larg destinacionit, por mbetën të dhunuar rëndë. Policia u mjaftua vetëm me një procedim penal.
Safet Gjici
Kandidati i nëntë është Safet Gjici, ish-kryebashkiaku i Kukësit. Ai u filmua në zyrën e tij, teksa kryente seks oral, me një vajzë të quajtur Alma, e cila fill pas aktit kërkoi projektin e qenve. Gjici u vu në dispozicion që ajo ta merrte atë projekt, pasi përjetoi momente kënaqësie. Sot ai akuzohet për korrupsion dhe shpërdorim detyre.
Erion Veliaj
I dhjeti është Erion Veliaj, i cili ka urdhëruar policët bashkiakë që të përzënë të varfërit që kërkojnë lëmoshë pranë xhamisë së Et’hem Beut. Veliaj nuk i do të varfërit dhe këtë e ka treguar dhe me dhunën që ushtron ndaj tregtarëve në trotuare.
Artan Tafani
I njëmbëdhjeti është Artan Tafani, i cili vodhi më shumë se 30 mijë euro në një pikë të këmbimit valutor. Veprimi i tij ka marrë shumë komente negative.
