Bashkitë në Shqipëri vijojnë të helmojnë qentë endacakë. Tenderat për strehimin katërputroshëve avullojnë në xhepat e biznesmenëve që financojnë fushatat e kryebashkiakëve. Edhe në ato raste kur strehat ngrihen, janë vetëm si objekte pa kushtet më minimale për të strehuar qentë.
E në këto kushte bashkitë i bien shkurt, duke i helmuar qentë endacakë. Në redaksinë e JOQ Albania kanë mbërritur disa foto nga Ura Vajgurore. Juliana Memaj sapo u konfirmua në mandatin e dytë si kryebashkiake, duket se ka nisur të bëjë të njejtën gjë si kolegët e saj.
Qytetarët ngrenë akuza se qentë endacakë po helmohen nga punonjësit e bashkisë. Ata kanë parë disa qenë të ngordhur këtë të diel, duke ngritur dyshime se ngjarja është e qëllimshme. Qentë endacakë janë fotografuar në hyrjet e pallateve dhe banesave private.
