Pasi u shpall kampion me Granadën në La Liga 2, sulmuesi i kombëtares shqiptare Myrto Uzuni, shënoi edhe golin e tij të jetës. Mbrëmë, Uzuni, golashënuesi më i mirë në kategorinë e dytë të futbollit spanjoll me 23 gola, u ul në gjunjë në fushën e blertë dhe i propozoi për martesë të dashurës së tij.
Uarda tha “po” kur Uzuni nxori unazën e fejesës dhe ia vuri në gisht, teksa tashmë pritet që çifti të shkojë drejt altarit. Çifti u duartrokit nga kolegët, stafi i klubit dhe tifozët, ndërsa në fushë u krijua një moment romantik për Uzunin dhe Uardën. Jo vetëm trofeun e kampionit dhe të golashënuesit, por Uzuni tashmë shënoi gol edhe në dashuri.