Nadire Kurti është vrasësja e burrit të saj Shefki Kurti trupi i të cilit u gjet i copëtuar në ujërat e kanalit Adigetto, pranë Villanova del Ghebbo, Itali. Pas krimit, ajo rrëfeu se e vrau burrin duke e copëtuar me një sëpatë dhe 3 thika kuzhine në banjë e duke shtuar se e ka kryer krimin duke imagjinuar sikur po priste pulën.
Për ngjarjen, Kurti është dënuar nga Gjykata e Rovigo-s me 14 vjet e 6 muaj burg. Kurti e pranoi krimin më 18 Gusht të vitit të kaluar, teksa copat e trupit të burrit të saj u gjetën pas tharjes së kanalit ku ishin hedhur.
Nadirja e ka kryer krimin për shkak se ka probleme psikologjike, pasi prej vitesh ndiqej nga një psikiatër. Shefkiu njihej si një person i qetë dhe i dashur. Familja Kurti kishte lundruar nga porti i Durrësit, qyteti i tyre i origjinës gjatë një prej valëve të para të eksodit të madh nga Shqipëria, në vitin 1991.
