Një tragjedi ka ndodhur në Los Anxhelos të SHBA-ve. Mësohet se një 17-vjeçar është rrëzuar nga një urë teksa po ngjitej për të bërë një video në rrjete sociale.
I riu u rrëzua ndërsa ngjitej në një nga harqet e urës për të postuar një video në mediat sociale. Këtë e ka bërë të ditur shefi i policisë së Los Anxhelosit, Michel Moore .
“Ai vend ka krijuar një krenari të madhe në Los Anxhelos, por, fatkeqësisht, ka shërbyer edhe si sfond për tragjedi si kjo”, shtoi Moore.
Ura prej 588 milionë dollarësh, e cila u hap në korrik, është mbyllur disa herë për shkak të vandalizmit dhe marifeteve.
Në janar, një burrë vdiq teksa filmonte një video po për rrjetet sociale.