31-vjeçari Laert Haxhiu i shpallur në kërkim nga Interpol dhe i arrestuar në zonën e Eleousës të Janinës nuk do të ekstradohet në Shqipëri.
Haxhiu i shpallur në kërkim pasi akuzohet për vrasje në Shqipëri është dërguar në burgun e Korydallos.
Sipas avokatit të tij, ai nuk i pranon akuzat për masakrën e Lushnjes në 2017 me dy të vdekur dhe dy të plagosur. Ai gjithashtu nuk dëshiron të ekstradohet pasi i rrezikohet jeta dhe familja për shkak të hasmërisë me fisin Bare.
Haxhiu kërkon të qëndrojë në Greqi duke synuar shmangien e përballjes me akuzat në gjyqin penal që ka nisur kundër tij në SPAK.
Pavarësisht kësaj situate, gjykata e Janinës ka vendosur mesditën e sotme të caktojë masën e “arrestit në burg” me afat 40 ditor për Haxhiun.
