Sot në një seancë solemne në zyrat lokale në fshatin Çabër të Zubin Potokut u betua kryetari i ri i kësaj komune, Izmir Zeqiri.
Por pos Izmir Zeqirit sot është betuar edhe Kryetari i ri i Zveçanit, Ilir Peci.
Seanca e betimit të Pecit po mbahet në shkollën fillore të mesme të ulët “Isa Boletini”.Në hapësirat ku po mbahet seanca, janë lejuar vetëm kamermanët.
Po ashtu është bërë e ditur se pas betimit, Ilir Peci do të deklarohet për media në oborrin e kullës së Isë Boletinit.
Peci ishte kandidat i PDK-së në zgjedhjet e 23 prillit, në të cilat doli fitues.
