JOQ denoncoi vjedhjen 3.2 MILIARDË që në 2021-in, SPAK arrestoi Lefter Allën pas 2 vitesh

Shkruar nga: F Tenolli | Publikuar më: 16.03.2023, 12:22

Tenderin me vlerë mbi 3.2 Miliardë Lekë për të cilin është arrestuar kryetari i bashkisë Bulqizë, Lefter Alla, “JOQ Albania” e ka denoncuar plot dy vite më parë. Me pak fjalë atë çka ka bërë SPAK-u sot, e ka bërë media jonë dy vite më parë.

Bashkimi i komanive “Egland” me pronar Rasim Dacin dhe “BE-IS” me pronar Hamz Islamajn u shpallën fitues me ofertë ekonomike mbi gjysmë miliard lekë më shumë se ofertat e kompanive të tjera. Tenderi nuk ishte shpallur me Flamur të Kuq dhe gjithçka shkonte vaj për drejtësinë shqiptare derisa u zbulua se Daci Dhe Islamaj kishin hyrë në garë si sekserë dhe përfituesi i vertetë i miliardave ishte “2AF Albania”, kompania e mikut familjar të Allës, Aqif Konesha.

LEXO KËTU

Kjo tregon se SPAK ka përjetuar gjumin e gjatë letargjik dhe është zgjuar tani në pranverë me dërgimin e vonuar të Allës pas hekurave, të vonuar, ashtu siç drejtësia shqiptare do veprojë edhe për kryebashkiakët e tjerë të Rilindjes që shpërdorojnë miliarda lekë nga paratë e popullit nga dita në ditë.

Duhet të bëhet dikush “kurban” nga fundi i kavallit dhe këtë radhë hallka qëlloi të ishte Alla, por kur do i shkojë SPAK zinxhirit nga koka e të arrestojë Erion Veliajn për shpërdorime fondesh publike e tenderash klientelistë?! Lista është tejet e gjatë dhe SPAK meqë pretendon se është shumë i zënë, mjafton të lexojë denoncimet e vazhdueshme të abuzimeve të kryebashkiakut të publikuara nga JOQ Albania dhe të na falenderojë më vonë.

Më 1 maj 2021, “JOQ Albania” shkruante për shpalljen e fituesit të tenderit për ndërtimin e ujësjellësit të Bulqizës, duke ia dhënë bashkimit të kompanive “EGLAND & BE-IS”, që kishte paraqitur çmimin më të lartë, duke krijuar dyshime të forta se fituesi ishte paracaktuar.

Ndërkohë, prapaskenat kanë treguar se kompania që ka fituar tenderin nuk ka bërë asnjë punim në ujësjellës, por ka qenë vetëm një mënyrë kamuflazhi që Alla t’ia japë tenderin shokut dhe të afërmit të Lefter Allës, Aqif Konesha.

AQIF KONESHA

Shpresojmë që “Gjumani” t’i hapë sytë dhe të falenderojë mediat investigative për lehtësimin e punës në mënyrë që të mos reagojë dy vite më pas, kur një pjesë e madhe e provave janë zhdukur dhe kjo e ndihmon Allën të mbrohet para drejtësisë.

FACT CHECK: Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e raportoni këtu.
Heroit të Muajit
KLIKO PËR TË VOTUAR
  • Zotëria që gjeti portofolin
    Kandidati i parë është zotëria që gjeti portofolin më gati një milionë lekë dhe vendosi që atë t’ia dorëzojë të zotit. Ai bëri kërkesën për publikim në JOQ ALBANIA, që të gjente pronarin e portofolit të humbur. Gjithashtu portofoli kishte brenda dokumente shumë të rëndësishme.
    Banorët e lagjes në Elbasan
    Të harruar nga pushteti vendor, disa banorë të një lagjeje në Elbasan janë heronjtë e atij komuniteti, pasi ata me shpenzimet e tyre dhe me krahët e tyre, dolën dhe rregulluan rrugën. Askush nga bashkia nuk ishte kujtuar për atë rrugë, kështu që ata vendosën që ta merrnin vetë situatën në dorë.
    Adnan Dibrani
    Adnan Dibrani, u hodh në ujin e ftohtë të lumit Moraca në Podgoricë për të shpëtuar një foshnje që kishte rënë brenda. Pasi e nxorri nga uji, Andani i bërë masazh kardiak foshnjës duke i shpëtuar jetën.
    Adem Qorri
    40-vjeçari, Adem Qorri, i cili jetonte me familje në Florida të ShBA-së ka humbur jetën teksa po e shpëtonte një 10-vjeçar që po mbytej në det. Ademi shpëtoi nga mbytja shokun e djalit të tij, por vetë nnuk ia doli dot.
    I riu nga Tirana
    Kandidati i radhës ështrë i riu nga Tirana, që mori të moshuarin, që kishte humbur rrugën, e futi në makinë dhe e dërgoi në komisariat. Ai qëndroi me të derisa u siguria që familjarët e tij do shkonin ta merrnin.
    Zjarrfikësit e keqpaguar
    Kandidatët e radhës janë disa zjarrfikës nga Tirana, të cilët pavarësisht kushteve të këqija, mungesës së mjeteve dhe rrogës së ulët, bënë maksimumin për të shpëtuar një mace që kishte mbetur në një pemë. Pavarësisht vjedhjes që u bëhet atyre nga drejtorët dhe kryetari i bashkisë, ata vazhdojnë të punojnë me pasion.
Më të Lexuarat
Shkarkoni aplikacionin JOQ ALBANIA në platformat
Më të fundit