Drejtoria e Përgjithshme e Burgjeve është njëri ndër institucionet që pa dyshim ka bërë allishverishet më të mëdha me fondet publike. Nëpërmjet shumë tenderave të dyshimtë ky institucion nuk ka lënë xhepa e thasë pa mbushur, gjoja në shërbim të të burgosurve.
Një ndër rastet më tipike është edhe ky që do t’ju paraqesim ditën e sotme. Rezulton se befas Drejtorisë së Përgjithshme të Burgjeve i mbaruan kastravecët, bananet e shumë fruta e perime të tjera, aq sa me urgjencë u detyrua të realizojë një tender me negocim, pa njoftim.
Bëhet fjalë për procedurën me numër reference REF-56432-01-20-2023 dhe që ka si objekt “Blerje fruta-perime për nevoja emergjente të DPB, për të dënuarit në IEVP-të”. Fondi limit i kësaj procedure është llogaritur në vlerën 21,558,687 lekë të reja pa TVSH ose rreth 258 milionë lekë të vjetra me TVSH.
Por nëse fillojmë të shfletojmë dokumentacionin e këtij tenderi, fillon e vjen erë. Shikohet se në këtë procedurë kanë marrë pjesë vetëm dy kompani duke ofruar çuditërisht vlera shumë të përafërta me njëra-tjetrën.
Gjithsesi fituese është shpallur firma që ka dhënë ofertën më të lartë. Bëhet fjalë për DAJTI PARK 2007 në pronësi aktuale të Lulzim Qefalia dhe Desart Kalaja. Vlen të përmendet se ortak themelues i kompanisë ka qenë vetë Kujtim Qefalia, vëlla i ish-deputetit Xhemal Qefalia.
Vlera e ofruar nga firma fituese DAJTI PARK 2007 është 21,233,458 lekë të reja pa TVSH ose rreth 255 milionë lekë të vjetra me TVSH. Ndërkohë vihet re qartësisht se kjo vlerë është thuajse identike me fondin limit, përkatësisht sa 98.5% e tij.
FACT CHECK:
Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e
raportoni këtu.
Heroit të Muajit
KLIKO PËR TË VOTUAR
Djali tek Sheshi Skënderbej
I pari në listë është i riu, që në daljen e tij në sheshin Skënderbej, në fillim të vitit, vendosi që të gëzonte një vajzë të mitur, të pastrehë, që po shijonte vetëm nga jashtë lodrat që ishin vendosur në qendër të Tiranës. Teksa ai e pa, që ajo nuk kishte mundësi ekonomike për të hipur në karusel, e mori dhe bashkë me të shijuan një xhiro.
Qytetari nga Kavaja
Kandidati i dytë është djali nga Kavaja që vendosi t’i hapte derën e shtëpisë Gabrielit, të riut që flinte në rrugët e Tiranës, pasi vuante nga probleme të shëndetit mendor. Ai ishte i vetëm, pasi nuk kishte familje dhe qytetari nga Kavaja vendosi që ta strehonte në banesën e tij.
I riu zemërgjerë
Kandidati i tretë, është i riu nga Tirana, i cili ndaloi makinën në mes të rrugës, në një kohë me shi dhe zbriti nga automjeti për t’i dhënë një palë këpucë dhe një xhup një të moshuare, që po lypte tek makinat, që kishin mbetur në trafik. Ai u kujdes personalisht që ajo t’i vishte ato që i dhuroi dhe më pas u largua.
Djali që ndihmoi të moshuarin
Kandidati i katërt, është një tjetër i ri, i cili po ashtu ndaloi makinën në rrugë për të ndihmuar një të moshuar që i ishte prishur biçikleta. Ai bëri aq sa mundi, që i moshuari të rregullonte biçikletën dhe më pas të largohej drejt banesës së tij.
Greis dhe Rakel
Në vendin e pestë kemi motër e vëlla, Greisin dhe Rakelin, dy të vegjëlit, që detyruan nënën e tyre të ndalonte makinën për t'i dhënë disa të holla një djali të mitur që po lypte në rrugë. I mituri kishte në krahë një fëmjë të vogël dhe kjo preku më shumë motër e vëlla. Ata i lëshuan disa të holla bashkëmoshatarit të tyre dhe më pas u larguan me të ëmën.
