Rezulton se kryetari aktual i Bashkisë Tiranë vazhdon i qetë e pa e vrarë mendjen aspak me tenderat që shpërndajnë miliardat e qytetarëve të Tiranës drejt xhepave të oligarkëve. Një tender me të vërtetë nga ata që bëjnë “muu” përsa i përket dyshimeve është edhe ky që do të shikoni më poshtë.
Bëhet fjalë për procedurën me numër reference REF-51778-12-01-2022 dhe me objekt Loti II: Blerje bulmet, qumësht, kos, djathë, gjizë. Tenderi organizohet nga Bashkia Tiranë, përkatësisht nga Drejtoria e Përgjithshme e Çerdheve dhe Kopshteve.
Fondi limit i planifikuar për këtë procedurë është 96,419,003 lekë të reja pa TVSH ose rreth 1.1 miliardë lekë të vjetra me TVSH. Por nëse hulumtojmë në dokumentacionin përkatës të tenderit fillojë të dalin në pah çudirat.
Vihet re se ndonëse bëhet fjalë për një shifër të lartë, në garë kanë marrë pjesë vetëm dy kompani, AGS e Alma Tafanit dhe një tjetër kompani e quajtur DOGEL. Jo vetëm që kemi të bëjmë me një konkurrencë sa për sy e faqe pasi kanë marrë pjesë vetëm dy firma, por firma e dytë ka ofruar vlerë zero.
Ky është një veprim tipik i rasteve kur fituesi dihet që në fillim para tenderit dhe firma e dytë ka marrë pjesë sa për numër, mjaftueshëm sa për të mos thënë që nuk ka patur mungesë konkurrence. Kuptohet që në mungesë të një ofertë përballë, fituese është shpallur me lehtësi e pa mëdyshje firma AGS e Alma Tafanit.
Oferta e saj është 95,074,060 lekë të reja pa TVSH ose rreth 1.1 miliardë lekë të vjetra me TVSH. Ndërkohë nëse krahasojmë ofertën e saj me fondin limit të tenderit shikohet se kjo ofertë është sa 99% e fondit limit. Bukur apo jo?
FACT CHECK:
Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e
raportoni këtu.
Heroit të Muajit
KLIKO PËR TË VOTUAR
Djali tek Sheshi Skënderbej
I pari në listë është i riu, që në daljen e tij në sheshin Skënderbej, në fillim të vitit, vendosi që të gëzonte një vajzë të mitur, të pastrehë, që po shijonte vetëm nga jashtë lodrat që ishin vendosur në qendër të Tiranës. Teksa ai e pa, që ajo nuk kishte mundësi ekonomike për të hipur në karusel, e mori dhe bashkë me të shijuan një xhiro.
Qytetari nga Kavaja
Kandidati i dytë është djali nga Kavaja që vendosi t’i hapte derën e shtëpisë Gabrielit, të riut që flinte në rrugët e Tiranës, pasi vuante nga probleme të shëndetit mendor. Ai ishte i vetëm, pasi nuk kishte familje dhe qytetari nga Kavaja vendosi që ta strehonte në banesën e tij.
I riu zemërgjerë
Kandidati i tretë, është i riu nga Tirana, i cili ndaloi makinën në mes të rrugës, në një kohë me shi dhe zbriti nga automjeti për t’i dhënë një palë këpucë dhe një xhup një të moshuare, që po lypte tek makinat, që kishin mbetur në trafik. Ai u kujdes personalisht që ajo t’i vishte ato që i dhuroi dhe më pas u largua.
Djali që ndihmoi të moshuarin
Kandidati i katërt, është një tjetër i ri, i cili po ashtu ndaloi makinën në rrugë për të ndihmuar një të moshuar që i ishte prishur biçikleta. Ai bëri aq sa mundi, që i moshuari të rregullonte biçikletën dhe më pas të largohej drejt banesës së tij.
Greis dhe Rakel
Në vendin e pestë kemi motër e vëlla, Greisin dhe Rakelin, dy të vegjëlit, që detyruan nënën e tyre të ndalonte makinën për t'i dhënë disa të holla një djali të mitur që po lypte në rrugë. I mituri kishte në krahë një fëmjë të vogël dhe kjo preku më shumë motër e vëlla. Ata i lëshuan disa të holla bashkëmoshatarit të tyre dhe më pas u larguan me të ëmën.
