Festat e Flamurit, shqiptarët zgjedhin rajonin e Turqinë për të festuar

Shkruar nga: S Shtjefni | Publikuar më: 23.11.2022, 08:09

28 dhe 29 Nëntori janë Festa Kombëtare, por edhe këtë vit, një numër i konsiderueshëm shqiptarësh kanë zgjedhur t’i kalojnë jashtë vendit, një kërkesë që rritet çdo vit.

Një ndër arsyet kryesore që nxit këtë tendencë është çmimi i leverdishëm, sidomos në ofertat për vendet e rajonit, apo biletat e avionëve të prera individualisht më herët.
Sipas Monitor, kërkesat për të udhëtuar këtë vit i janë bashkëngjitur dëshirës së shqiptarëve që vitet e fundit kanë qenë më të kufizuar prej rregullave të pandemisë dhe kryesisht kanë lëvizur brenda vendit.

Të pyetura nga “Monitor”, agjencitë e udhëtimeve pohojnë se këtë vit, shqiptarët kanë zgjedhur të shkojnë kryesisht në disa prej vendeve të rajonit, që kanë pasur oferta të kënaqshme, sidomos ato si resorte me ski.

Nga agjencia “Union Travel” pohojnë se kërkesat kanë qenë kryesisht në destinacione të qyteteve italiane, por edhe Stambolli vijon të jetë i preferuar. Disa nga kërkesat, sipas tyre kanë qenë për qytete si Vjena, Amsterdami, Brukseli etj., për të cilat paketat kanë qenë gjithëpërfshirëse.

Nga agjencia “Kalemi Travel” thonë se ofertat për këto ditë festash u janë ofruar që në fillim të këtij muaji, të fokusuara kryesisht në rajon. Çmimet nisin nga 100 euro dhe paketat janë interesante.

Përfaqësues të “Matias Travel and Tour” thonë për “Monitor” se, rezervimet kanë qenë në nivele të kënaqshme. Kjo mund të lidhet me faktin se, shqiptarët duan të udhëtojnë, si dhe ditët e pushimit zyrtare janë katër. Për destinacionet brenda vendit, sipas tyre Korça kryeson listën. Ndryshe nga vitet e shkuara ku ka pasur interes e për qytete veriore, duket se këtë vit shirat e rrëmbyer e kanë stepur këtë dëshirë.

Nga Iliria Travel pohojnë se kërkesat për udhëtime kanë qenë të kënaqshme, por jo në nivelet e vjetshme që kishin më tepër ‘uri’ për udhëtime jashtë. Sipas tyre, ekonomia është një faktor i rëndësishëm por edhe fakti që planifikojnë të udhëtojnë më së shumti për festat e fundvitit.

Sipas agjencisë ATHS, ndonëse ka pasur oferta të brendshme, madje prenotimet në vende si Korça, Voskopoja, Dardha, Pogradeci etj., kanë qenë në kapacitet të plotë, megjithatë rajoni duket më konkurrues, sidomos me paketat e çmimeve të favorshme. Destinacionet me ofertat më të mira, edhe këtë vit, ka qenë Budva dhe Stambolli.

Udhëtime me avion:

► Stamboll, 24, 25, 26, 27 Nëntor, 3 ditë 269€

► Romë – Firence, 27 Nëntor, 4 ditë 399€

► Abu Dhabi- Dubai, 26 Nëntor, 6 ditë (me WizzAir) 599€

► Dubai – Abu Dhabi, 27 Nëntor, 5 ditë €699 (me FlyDubai)

► Dubai – Abu Dhabi & Plazh në Maldive, 23 Nëntor, 8 ditë 1599€

► Madrid – Barcelonë, 28 Nëntor, 5 ditë €499

► Amsterdam dhe Bruksel, 27 Nëntor, 5 ditë 499€

► Vjenë, 25 Nëntor, 4 Dit €349

► Vjenë, Pragë, Budapest, 28 Nëntor, 5 ditë €449

► Nicë, Cote D’Azur, 26 Nëntor, 4 ditë 399€

► Barcelonë, 27, 28 Nëntor, 4 ditë 399€

► Paris, 26 Nëntor, 4 ditë 499€

► Mynih, Shtutgart, Nuremberg, 27 Nëntor, 4 ditë €399

Udhëtime me autobus:

► Dubrovnik, 26, 27 Nëntor, 3 ditë €109

► Selanik – Stamboll – Sofje, 25 Nëntor, 5 ditë €149

► Budva – Kotorr – Ulqin, 26, 27, 28 Nëntor, 2 ditë €65

► Udhëtim në Detin e Zi, 24 Nëntor, 6 ditë 219€

► Mostar – Medjugorje, 26, 27, 28 Nëntor, 2 ditë €65

► Meteora – Kallabaka – Janine, 26, 26, 28 Nëntor, 2 ditë €65

► Bukuresht, 26 Nëntor, 4 ditë €169

► Korfuz, 25, 27 Nëntor, 3 ditë All Inclusive €99

► Udhëtim në Selanik, 26, 27 Nëntor, 3 ditë 99€

► Prishtinë – Pejë – Ujëvara e Drinit, 26, 27, 28 Nëntor, 2 ditë €59

► Sofje dhe Selanik, 26 Nëntor, 4 ditë €129

► Zagreb, Sarajevë, Dubrovnik, 25 Nëntor, 4 Ditë, €149

► Ulqin All Inclusive, 27 Nëntor, 3 Ditë €69

► Udhëtim Sarajevë dhe Beograd, 26 Nëntor, 4 Ditë, €119

► Stamboll – Selanik, 25, 26 Nëntor, 4 ditë €109

► Strugë – Ohër, 26, 27, 28 Nëntor, 2 ditë €55.

Udhëtime në Shqipëri:

► Udhëtim në Korçë – Voskopojë , 26, 27, 28 Nëntor, 2 ditë 49€

► Valbonë – 26, 27, 28 Nëntor, 2 ditë 75€

► Udhëtim në Theth, 26, 27, 28 Nëntor, 2 ditë, €70

FACT CHECK: Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e raportoni këtu.
HEROI I MUAJIT
KLIKO PËR TË VOTUAR
  • I riu nga Tirana
    Është i riu, i cili bëri gjestin, që jo çdokush do e bënte. Pasi pa një qytetar, që hapi pusetën në mes të rrugës për të rënë makinat, i riu e ndoqi atë, derisa e kapi dhe e paralajmëroi që të shkonte të mbyllte pusetën, pasi do e denonconte në polici. Gjesti i këtij qytetari është për t'u duartrokitur, pasi shumë e shumë të tjerë nuk do e bënin.
    Vajza që gjeti Brajanin
    Kandidatja e dytë është vajza, e cila gjeti Brajanin e vogël, që ishte larguar nga shtëpia. I mituri ishte me autizëm dhe ajo u kujdes për të derisa të mbërrinin familjarët për ta marrë.
    Erion Veliaj
    I treti, është kryebashkiaku i Tiranës, Erion Veliaj. Kujtojmë se Veliaj dikur ka tregtuar fiq në trotuar. Gjithsesi, ai sot gëzon shumë pasuri dhe kjo nuk e ka penguar të jetë i thjeshtë duke shtyrë një person me aftësi ndryshe, në Maratonën e Tiranës. Qytetari i cili dërgoi foton në inbox raporton se përkundrejt dëshirës së Veliajt të jetë anonim, ai dhe 30 kameramanë të tjerë kanë shkrepur fshehurazi veprimin human.
    Aleks Visha
    I katërti, është personazhi i njohur, Aleks Visha, i cili organizoi sfidën në Tik Tok, me disa persona të tjerë për të ndihmuar Klevisin, 20-vjeçarin, i cili ndodhej në gjendje kritike për jetën. Për më pak se 33 orë, ai mblodhi 300 mijë euro, duke bërë kështu të mundur dërgimin e Klevisit në një nga spitalet më të mirë në Europë.
    Mjeku human
    Kandidati i pestë është mjeku nga Kosova, i cili në xhamin e makinës, kishte vendosur numrin e tij, që personat që nuk kanë mundësi ekonomike për t’u vizituar ta kontaktojnë dhe mund t’ua ofrojë shërbimin pa pagesë. Teksti i tabelës shkruan: “Nëse keni nevojë për mjek dhe nuk keni mundësi të paguani, atëherë më ndaloni”.
    Pasagjeri në urban
    I gjashti, është i riu që reagoi ndaj dhunimit së një gruaje nga një burrë në urbanin e Kombinatit. Sipas raportimeve nga vendngjarja ai mori në mbrojtje gruan, që u shty me forcë nga një qytetar.
    17-vjeçari nga Vlora
    Kandidati i shtatë është 17-vjeçari nga Vlora, që doli në mes të rrugës dhe ndaloi makinat për të shpëtuar zogun që po përpëlitej. Ai e mori zogun dhe e dërgoi në një qendër veterinare.
    Gjimnazisti jo-servil
    Kandidati i tetë, por jo për nga rëndësia, është gjimnazisti, i cili, ndryshe nga të rinjtë e tjerë, i përplasi Ramës disa të vërteta në sy. Ai nuk ndoqi shembullin e bashkëmoshatarëve të tjerë, që në takimet me kryeministrin u servilosen, por tha disa fakte, që u duartrokitën nga të gjithë.
Më të Lexuarat
Shkarkoni aplikacionin JOQ ALBANIA në platformat
Më të fundit