Detaje të reja kanë dalë në dritë në lidhje me ngjarjen e ndodhur në komisariatin nr. 5 në Kamzë mbrëmjen e djeshme. Grupi i ekspertëve që ka shkuar në komisariat ka zbardhur rrethanat e ngjarjes. Tashmë thuhet se në momentin kur është parë tymi në komisariat, konkretisht në dhomën ku qëndronte 26-vjeçari, polici Hajredin Boja ka hapur derën, ndërsa ka tentuar të nxjerrë të riun.
Por, 26-vjeçari i ka shpëtuar nga duart efektivit dhe është futur në tualetin e dhomës. Më pas kanë shkuar efektivët e tjerë të cilët kanë tentuar t’u japin ndihmë, por s’kanë mundur për shkak të tymit.
I riu ndërroi jetë në spital, ndërsa 62-vjeçari Dilaver Idrizi i cili ndodhej bashkë me 26-vjeçarin në dhomë është lënduar. Në lidhje me ngjarjen e rëndë janë arrestuar 2 policë, ndërsa janë nën hetim edhe 3 të tjerë.