Pasditen e sotme qytetarët e Tiranës dolën për të protestuar për rritjen e çmimit të naftës. Ata u mblodhën përballë Kryeministrisë, ndërkohë që Rama ndodhet në Dubai bashkë me ministren Belinda Balluku. Protesta u zhvilluan gjithashtu edhe në Shkodër dhe Durrës, ku qytetarët fikën makinat dhe bllokuan për disa momente qarkullimin.
Ndërkohë që mijëra qytetarë po protestojnë në këto momente përballë Kryeministrisë për uljen e çmimeve të larta të naftës, ka ndodhur një episod aspak i zakonshëm. Një super-mjet luksoz i tipit Mercedes Maybach 580 i cili dyshohet se përdoret nga kryetari i Bashkisë Tiranë Erion Veliaj, është filmuar nga qytetarët duke kaluar me “karshillik” pranë qytetarëve të shumtë që po protestonin aty pranë.