Vdekja e 29-vjeçarit shqiptar Refik Mata 17 dhjetorin e kaluar, në burgun Tarascon, në Francë vijon të mbetet mister. Sipas autoriteteve franceze shqiptari ka kryer vetëvrasje në qeli, por familjarët e tij nuk janë dakord dhe kërkojnë zbardhjen e kësaj ngjarje. Me çështjen në Francë po merret avokatja Julie Boano , e cila pak ditë pas vdekjes së tij është takuar me familjarët e 29 – vjeçarit dhe iu ka dhënë sendet personale që ai kishte në burgun Tarascon. Por familja e shqiptarit është e shqetësuar për një episod të ndodhur më 7 tetor të kaluar , kur Refiku Mata u paraqit në seancën që parashikonte lirim, me shoqërim të detyruar në Shqipëri dhe ndalim përfundimtar të kthimit në Francë me shenja dhune të dukshme në fytyrë dhe në pjesën tjetër të trupit. Me këtë rast gjyqtari e pyeti 29 – vjeçarin arsyen e atyre shenjave në trup por pa marrë përgjigje. Avokatja e tij Julie Boano duke folur për "ImperiaPost" tha: