Rakip Suli ngop me 550 MLN nga taksat e shqiptarëve kushëririn e Paulin Sterkaj dhe Qamil Kupën

Shkruar nga: G Hasani | Publikuar më: 21.09.2022, 15:26

Rakip Suli i Bashkisë Kamëz duket se është zotuar që të rrjepë qytetarët e Kamzës nga taksat duke gjetur si justifikim rrugët e amortizuara. E themi këtë, pasi në shumë pak ditë, Suli ka firmosur tendera me vlera marramendëse për ndërtimin dhe shtrimin e rrugëve dhe normalisht, kompanitë fituese janë miqtë e rilindasve, që nuk u ngopet barku dhe xhepi me taksat e shqiptarëve.

Së fundmi, Bashkia Kamëz ka mbyllur totalisht procedurat e një tenderi, që vetëm një prokuror i kapur totalisht nuk e quan abuziv.

Bëhet fjalë për tenderin me këtë numër reference: “REF-37105-07-26-2022” dhe me objekt “Ndërtim rrugët (Rr.Erzeni+Rr.Marubi+Rr.Valbona+Rr.Tomorri)” . Institucioni prokurues është bashkia Kamëz me në krye Rakip Sulin.

Në garën për këtë tender kanë marrë pjesë disa kompani, por fituese është shpallur bashkimi i kompanive KUPA shpk dhe STERKAJ shpk.

Siç shihet nga dokumenti i mëposhtëm, bashkimi i dy kompanive të tjera, ka ofruar më pak, por Rakip Suli e ka skualifikuar, për t’i dhënë më shumë se 556 milionë lekë të vjetra kompanive që administratorët i ka miq.

Më konkretisht, Qamil Kupa është dendur me tendera nga bashkia Kamëz dhe rikujtojmë kohën, kur për vetëm 3 tendera nga Bashkia Kamëz për pastrim, kompania KUPA shpk ka marrë rreth 200 MILIONË Lekë me TVSH, ndërkohë që njëri prej tyre është klasifikuar si REDFLAG!

Ndërsa Lulzim Sterkaj, administrator i Sterkaj SHPK, që me shumë mundësi si pronar ka Paulin Sterkaj, pasi janë kushërinj me njëri-tjetrin, pothuajse ka përfituar tendera nga të gjithë falë kushëririt rilindas.

Kushëriri i Sterkaj dhe Qamil Kupa, kanë marrë nga ky tender sa 93 përqind e fondit limit dhe siç dihet gjithmonë, sa më shumë të marrë kompania apo kompanitë fituese aq më shumë fiton edhe Rakip Suli, e aq më shumë varfërohen shqiptarët.

Se çfarë pune bën SPAK-u, askush nuk e di deri më tani.

FACT CHECK: Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e raportoni këtu.
HEROI I MUAJIT
KLIKO PËR TË VOTUAR
  • Leli Alushaj
    Leli Alushaj, kamarieri i një restoranti në Tiranë, i cili me ndërhyrjen e tij të shpejtë i shpëtoi jetën një turisteje spanjolle, teksa ajo po mbytej.
    Robert Neçaj
    Roja bregdetare, i cili shpëtoi nga mbytja në plazhin e Shëngjinit dy persona, motër e vëlla, teksa dhe vetë përfundoi në spital. Ai u dëmtua shumë gjatë aksionit të tij të shpëtimit, por sot, fatmirësisht gëzon shëndet të plotë.
    Andi
    Roje bregdetare në Sarandë, i cili shpëtoi nga mbytja, babë e bir. Pamjet se si ai nxirrte nga uji babë e bir u bën virale dhe u shpërndanë edhe në faqet e JOQ ALBANIA.
    Djali i mitur
    Djali i mitur, që shet lule pranë qendrës së Tiranës, për të siguruar libra dhe rroba për shkollë. Ai ulet në trotuar dhe u kërkon qytetarëve që të blejnë lulet e tij.
Më të Lexuarat
Shkarkoni aplikacionin JOQ ALBANIA në platformat
Më të fundit