Mbrëmjen e djeshme u regjistrua një sherr mes dy fermerëve në fshatin Rrëmbec, teksa përfundoi me vrasjen e njërit prej tyre me thikë.
I ndjeri është identifikuar Nesti Sotiri dhe autori është bashkëfshatari i tij shtetasi Velo Hazisllari.
Viktima dhe autori ishin komshinj në fshat dhe kanë pasur konflikte të vjetra, ndërsa vëllai i autorit Vel Hazisllari që vrau dje me thikë 60- vjeçarin Neso Sotiri në Maliq, ka folur për ngjarjen.
Ai është shprehur i tronditur, ndërsa tregon se ngjarjen e ka mësuar përmes televizionit.
Ai tha se kishte ardhur me pushime dhe se vetëm një ditë e kishte parë të vëllanë.
“Çfarë të të them, jam i tronditur. Të vritesh për këto gjëra. Më vjen turp. Unë erdha me pushime dhe ndodhi kjo që ndodhi. Në vitet që kam qenë unë, ata të dy kanë qenë miq e kanë pasur raporte shumë të mira me njëri-tjetrin”, thotë ai.