Vjena është emëruar qyteti më i mirë për të jetuar në botë. Kryeqyteti austriak ka mbajtur vendin e parë në listat vjetore 2018 dhe 2019, të përpiluara nga Economist Intelligence Unit (EIU), por ra në vendin e 12-të në vitin 2021 pasi muzetë dhe restorantet u mbyllën për shkak të Covid. Në raportin e këtij viti thuhet:
Stabiliteti dhe infrastruktura e mirë janë hijeshitë kryesore të qytetit për banorët e tij, të mbështetur nga kujdesi i mirë shëndetësor dhe shumë mundësi për kulturë dhe argëtim.
Tani që qyteti është rihapur, ai është rikthyer në numrin një, duke zëvendësuar fituesin e vitit të kaluar: Auckland. Qyteti në Ishullin e Veriut të Zelandës së Re ra nga i pari në vendin e 34-të në raportin e vitit 2022, për shkak të kufizimeve të koronavirusit që po vendoseshin në terren. Top 10 u dominua nga Evropa, me gjashtë qytete. Qyteti më i jetueshëm në Mbretërinë e Bashkuar u emërua Manchester, në vendin e 28-të; Londra u rendit në vendin e 33-të.
Ngjarjet në skenën botërore, përveç pandemisë, patën ndikim në renditje. Moska dhe Shën Petersburgu ranë përkatësisht me 15 dhe 13 vende pas pushtimit të Ukrainës nga Rusia. Damasku i shkatërruar nga lufta, Siri, u emërua edhe një herë qyteti më pak i jetueshëm në botë. Ndërkohë vlen të thuhet se në listën me 173 shtete Shqipëria nuk ishte fare pjesë.