Një 26-vjeçare greke nga Kolonos ka rënë në prangat e policisë në Greqi pasi ishte mashtruae nga një rrjet trafokantësh për të transportuar 10 kilogramë heroinë dhe gjysmë kilogram kokainë nga Athina në Selanik. Sipas protothema 26-vjeçarja e papunë ka qenë duke udhëtuar me tren nga Athina drejt Selanikut ku u prangos dhe iu sekuestrua droga.
Në valixhen rozë, të cilën ia kishte dhënë tregtari shqiptar 24-vjeçar me pseudonimin “Xhafer”, u gjetën dhe u konfiskuan 10 kilogramë heroinë dhe 533 gramë kokainë. Autoritetet po flasin për një rrjet të madh trafiku droge me seli në Athinë dhe shtrirje deri në Selanik.
26-vjeçarja u arrestua në orën 20:10 të datës 9 maj 2022. Pasi mori valixhen rozë me drogën që i kishte dhënë “Xhafer”, ajo u largua nga Athina në orën 15:22 dhe mbërriti në Selanik në orën 19:45. Oficerët e policisë që e kishin ndjekur iu afruan dhe e prangosën para se ajo të mund të reagonte. Në dëshminë e saj ajo pohoi se ishte takuar disa muaj më parë me tregtarin shqiptar dhe ai ofroi transportin e drogës, por ajo e refuzoi propozimin e tij për arsye etike dhe siç tha nuk e dinte përmbajtjen e valixhes rozë.
Jam një nënë beqare, e një fëmije katër vjeç dhe jetoj në Sepolia të Atikës. Gjatë dy viteve të fundit nuk kam pasur punë të përhershme, për pasojë po përballem me probleme financiare. Pranoj akuzën e trafikut të drogës, të cilën e kam kryer për llogari të një personi me origjinë shqiptare rom, i quajtur “Xhafer”. E kam njohur personin rreth gjashtë muaj më parë në Athinë, nëpërmjet miqve të përbashkët. Pas pak filluam komunikimin, me mesazhe dhe telefonata përmes aplikacionit WhatsApp. “Xhafer” më pyeti për herë të parë, në shkurt të 2022, nëse isha i interesuar të transportoja sasi droge për llogari të tij, brenda territorit grek, por unë refuzova për arsye etike.
Pasditen e 7 majit 2022, “Xhafer” më dërgoi një mesazh përmes aplikacionit WhatsApp në celularin tim dhe u takuam më vonë në një park pranë stacionit të Attica në Sepolia. Aty “Xhaferi” më pyeti nëse mund të gjeja një shofer që të më transportonte dhe një valixhe që do të më jepte “Xhafer” në Selanik, pa përmendur përmbajtjen e valixhes. Tarifa ime për transferimin e valixhes siç më njoftoi ai do të ishte shuma prej 1100 €.
Të nesërmen, 8 maj 2022, e njoftova me sms, nëpërmjet aplikacionit WhatsApp, se nuk gjeja shofer dhe se për një taksi që më kërkoi të më çonte në Selanik, kërkonte një tarifë prej 600 €. Në orët e mëngjesit të datës 9 maj 2022, pas mesazheve që shkëmbyem u takuam sërish në stacionin e Attikit, ku hipa në një automjet gri dhe shkuam së bashku në Stacionin e Larisës ku më njoftuan se do të shkoja për në Selanik me tren.
FACT CHECK:
Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e
raportoni këtu.
