Interi ndjek hapin e Milanit drejt titullit kampion. Skuadra zikaltër ka arritur sot një fitore tepër të rëndësishme ku ka mundur Udinezen me rezultatin 1-2 në transfert. Golave të Perisiç dhe Lautaro ju kundërpërgjigj Puesto në pjesën e dytë që rihapi sfidën. Në minutat finale skuadra e Simone Inzagit menaxhoi rezultatin duke siguruar tre pikët për zikaltërit.
Interi mbetet kështu në ndjekje të Milanit me dy pikë diferencë, me tre ndeshje ende për t’u luajtur deri në fund të kampionatit. Milani kryeson me 77, ndërsa Interi ndjek me 75.
