Një ngjarje e rëndë ka ndodhur së fundmi në Itali. Mediat italiane bëjnë me dije se një 35-vjeçare ka humbur jetën pasi kishte kryer një ndërhyrje estetike në gjoks. Ngjarja e rëndë ka ndodhur pasditen e djeshme në zonën e Modenës, në Maranello dhe viktima quhej Samantha Migliore. Ajo ishte në shtëpi me partnerin dhe disa miq, të cilët sapo panë që gjendja e saj u përkeqësua thirrën menjëherë ambulancën, por sapo ajo u dërgua në spital ndërroi jetë.
Sipas të afërmve, asaj i është bërë një “punksion”, një lloj “infiltrimi” në gjoks për qëllime estetike. Partneri i saj ka treguar se operacionin estetik ajo e kishte kryer në shtëpinë e një estetisti të vetëquajtur, i cili më pas ishte arratisur. Menjëherë pas fillimit të kryerjes së injeksioneve në gjoks, Samantha kishte filluar të ndihej keq, por ende nuk dihet se çfarë i ka shkaktuar vdekjen e menjëhershme.
Ajo i kishte mbijetuar një tentative vrasjeje
Samantha në nëntor 2020 i mbijetoi një tentative vrasjeje nga ish i dashuri i saj, i cili e qëlloi në kokë. Për tentativën e vrasjes, ish-partneri i saj u dënua me shtatë vite burg të hënën e kaluar.
Burimi:todayit Përktheu dhe përshtati:JOQ ALBANIA
