Një sportiste transgjinore australiane ka bërë thirrje që gratë transgjinore që konkurrojnë në sportet e femrave të ndalohen, duke e quajtur përfshirjen e tyre një “shuplakë për gratë”. Projektligji Save Women's Sports është bërë një temë e nxehtë në zgjedhjet federale. Gruaja transgjinore Mianne Bagger ka dalë në mbështetje të projektligjit.
Ajo tha se është qesharake të thuash se atletët e lindur si meshkuj nuk janë në avantazh.
Mianne Bagger është një lojtare golfi profesioniste e cila konkurroi si grua pas operacionit ku ndryshoi gjini në vitin 1995, por pranoi se nuk mund ta anashkalosh ndryshimin në "aftësinë fizike".
Bagger, e cila është cilësuar si "hipokrite" në komunitetin trans për arsyetimin e saj të bazuar në shkencë, tha se ishte "qesharake" të sugjerohej se ata që lindnin si burra biologjikë nuk do të kishin një avantazah në sportet.
Ajo tha se ndryshimet e fundit në rregullat olimpike që do të thotë se gratë transgjinore që nuk kanë pasur ndonjë ndërhyrje kirurgjikale mund të konkurrojnë në sportin femëror janë të “papranueshme”.
Nga ana tjetër, sipas mediave të huaja, atletja transgjinore Caroline Layt ka thënë të kundërtën.
Layt beson se të gjitha atletet transgjinore duhet të lejohen të marrin pjesë në sportin e grave nëse kanë marrë trajtim hormonal.