Elon Musk nuk mund të përballojë të blejë Twitter pavarësisht ofertës së tij prej 43 miliardë dollarësh, ka thënë një profesor i Universitetit të Nju Jorkut.
Po, mirë e lexuat. Themeluesi i SpaceX dhe Tesla, i cili është njeriu më i pasur në botë, nuk ka fondet në dispozicion për të siguruar një marrëveshje të tillë.
Lektori Scott Galloway, i cili është profesor i marketingut në “Stern School of Business” në NYU, ka shpjeguar pse Musk nuk do të ishte në gjendje të blinte Twitter.
Galloway pretendon se miliarderi i teknologjisë do të duhej të merrte hua kundrejt aksioneve të tij në Tesla, ndërsa shtoi se marrja në dorëzim do të rezultonte në humbje të vendeve të punës, pasi kompania do të privatizohej.
Sipas vlerësimeve të Indeksit të Miliarderëve të Bloomberg, pavarësisht një pasurie të vlerësuar prej 259 miliardë dollarësh, CEO i Tesla dhe SpaceX ka vetëm 2,95 miliardë dollarë “para të gatshme”.
Musk mund të detyrohet t'i drejtohet disa bankave të ndryshme për huadhënie, pasi sipas Galloway që ka folur për mediat e huaja, “asnjë bankë e vetme nuk do të jetë banka që do të rrëzohet nga mania e Musk-ut”.