Një "shkëmb" vezullues i gjetur në rrënojat e një qyteti antik është identifikuar si pjesë e një truri njerëzor që shpërtheu për shkak të nxehtësisë së një shpërthimi katastrofik vullkanik. Ky është përfundimi befasues i një studimi të ri të botuar të enjten në The New England Journal of Medicine, i udhëhequr nga Pier Paolo Petrone, një antropolog mjeko-ligjor në Universitetin e Napolit Federico II. "Ruajtja e mbetjeve të trurit të lashtë është një zbulim jashtëzakonisht i rrallë, por ky është zbulimi i parë i mbetjeve të trurit të lashtë të njeriut, të ngurtësuara nga nxehtësia në rreth 510°C nga një shpërthim vullkanik," tha Petrone në një email.
Petrone dhe kolegët e tij kanë kaluar vite duke studiuar eshtrat e njerëzve të vrarë nga shpërthimi famëkeq i malit Vezuv, i cili dogji qytetet romake të Pompeit dhe Herkulaneumit, së bashku me vendbanimet e tjera. Lava dhe hiri varrosën këdo që nuk mund të ikte nga rrezja e shpërthimit, gjë që bëri që shumë prej ndërtesave dhe trupave njerëzorë në vend të ruheshin me detaje të frikshme. Gjatë ekzaminimit të mbetjeve të këtij personi të lashtë, Petrone vuri re një material qelqi me shkëlqim të zi të mbështjellë në brendësi të kafkës. Duke pasur parasysh se ekipi kishte gjetur tashmë kafka të thyera dhe gjak të avulluar në një vend tjetër të Herculaneum, Petrone e njohu substancën si një provë më shumë se vullkani “shpërtheu” kokat e shumë prej viktimave të tij.
Studiuesit analizuan përbërjen e proteinave të materialit të qelqtë, i cili zbuloi praninë e acideve yndyrore që përputheshin me ato që gjenden në flokët dhe trurin e njeriut. Edhe pse ky shpërthim shkatërrues ndodhi gati 2000 vjet më parë, ai duket i madh në kujtesën tonë kulturore sepse ndodhi në kulmin e Perandorisë Romake dhe u dokumentua mirë nga dëshmitarët bashkëkohorë si Plini i Riu.
Burimi: VICE | Përktheu dhe Përshtati: JOQ Albania
