Nëse nuk e keni lexuar nga ne, mund t’ju ketë zënë veshi fjalë që të gjithë oligarkët e kompanive të ndërtimit, qëllimi i vetëm që i kanë hyrë kësaj fushe është pastrimi i parave nga aktivitetet e paligjshme dhe të shumë-zbatuara në vend. Kjo vërtetohet fare lehtë me shifrat e frikshme që këta persona me ndikim aq të fortë në politikë, kanë mundur të depërtojnë në çdo sektor të vendit duke përthithur paratë e qytetarëve.
Në procedurën e prokurimit publik që do të analizojmë më poshtë, do të shohim se si një 100 Milionësh nga taksat tona jepet si qokë, pikërisht për këta persona që u sigurojnë votat për fushatë pushtetarëve dhe këta të fundit i shpërblejnë me para publike.
Bëhet fjalë për një tender të Drejtorisë së Spitalit Rajonal Dibër me objekt: Mirëmbajtje dhe rehabilitim i ambienteve të Spitalit Rajonal Dibër "Rrahim Xhika”, me Fond Limit 117 MLN Lekë pa TVSH. Fitues i këtij tenderi është shpallur Hastoçi SHPK në pronësi të Asllan Hastoçit, biznesmenit nga Mati që ka bërë kërdinë me tenderat lokalë të ndërtimit, pa përjashtuar këtu as ARRSH.
Tenderi është shënuar me SHKELJE në kuadër të LIGJIT të PP, ku 108 MLN Lekë i janë futur Hastoçit në xhep në mungesë konkurrence, me një kohëzgjatje prej 20 ditësh.
Uluni kur ta lexoni këtë fjali pasi biznesmeni i quajtur me nofkën Llan Toçi ka përfituar nga Thesari i Buxhetit të Shtetit transaksione në vlerë mbi 15 MILIARD LEKË nga Institucionet Buxhetore të vendit, me një total prej 141 transaksionesh vetëm përgjatë viteve 2019-2021.
Llan Toçi biznesmeni me profil të ulët por me njohje e lidhje të forta mavi e blu, ka ngrënë taksat tona në shkelje me shumë ligje të PP. Ai është përfitues i vlerave marramendëse të tenderave publikë me kritere të specifikuara veçanërisht për të, të cilët do t'i analizojmë në mënyrë të detajuar në ditët në vijim.
Deri atëherë, ftojmë SPAK të na ndjekë e të lexojmë si i bëjmë punën më të thjeshtë duke publikuar shkeljet e titullarëve dhe shpërndarjes klienteliste që i bëhen parave të popullit për oligarkët e qeverisë.
*Shënim I: Pjesët e nënvizuara në tekst me ngjyrë të kuqe, janë hiperlinke që të drejtojnë në faqe të tjera, informacione shtesë, shpjeguese në lidhje me lajmin*
© 2021 JOQ ALBANIA Të gjitha të drejtat e rezervuara
Ky artikull është ekskluziv i JOQ ALBANIA, gëzon të drejtën e autorësisë sipas Ligjit Nr. 35/2016, "Për të drejtat e autorit dhe të drejtat e lidhura me to". Shkrimi mund të ripublikohet nga mediat e tjera vetëm duke cituar JOQ ALBANIA dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.