Erërat e forta që po frynin sot në zonën e gjerë të aeroportit “Eleftherios Venizelos”, Athinë kanë bërë që Papa Françesku të humbasë ekuilibrin dhe të rrëzohet, teksa ka hipur në avionin për t’u larguar nga Greqia, mëngjesin e së hënës. Rrëzimi i Papës nuk pati pasoja të tjera për të, pasi ai u ngrit sërish në këmbë pa u lënduar me ndihmën e një roje sigurie dhe kur mbërriti në hyrje të avionit, përshëndeti me buzëqeshje të pranishmit në eventin e tij zyrtar të ikjes.
Një skenë e ngjashme, në të cilën Papa Françesku humbi ekuilibrin, ka ndodhur shtatorin e kaluar gjatë vizitës së tij në Shtetet e Bashkuara.
