Një bombolë gazi ka shpërthyer dje në Prishtinë ku për pasojë një grua është lënduar.
Për këtë ngjarje ka raportuar edhr Policia e Kosovës, e cila ka dhënë detaje për shpërthimin e djeshëm.
Policia në raportin 24-orësh ka bërë të ditur se ankuesja femër kosovare ka njoftuar se në shtëpinë e babait të saj ka shpërthyer një bombolë gazi, e cila përdorej për ngrohje.
"Si pasojë e shpërthimit, lëndime trupore ka pësuar viktima femër kosovare. Viktima është dërguar në QKUK për tretman mjekësor" thuhet në raportin e policisë.