Janë luajtur mbrëmjen e sotme 10 nga ndeshjet e Kualifikuesve për Kupën e Botës "Katar 2022".
Gjermania dhe Kroacia kanë arritur të fitojnë me goleadë, ndërsa Spanjës i ka mjaftuar vetëm një gol për të marrë 3 pikë në transfertë ndaj Greqisë.
"Pancerat" shpartalluan Lihteshtejnin me rezultatin e thellë 9-0, ndërsa kroatët shkatërruan Maltën me shifrat 1-7 në transfertë.
Pas kësaj fitoreje, Gjermania shkon në kuotën e 24 pikëve duke siguruar vendin e parë në Grupin J, ku ka mbetur edhe një ndeshje, ndërsa Kroacia ndodhe në vendin e dytë në grupin H, me 20 pikë, 2 më pak se Rusia që kryeson grupin pas fitores ndaj Qipros me rezultatin e thellë 6-1.
Surprizë ishte humbja e Suedisë ndaj Gjeorgjisë. Nordikët u mposhtën me rezultatin 2-0, hap i gabuar ky që u kushtoi vendin e parë në grupin B, pasi u parakaluan nga Spanja në renditje. Po ashtu, edhe barazimi i Portugalisë ndaj Islandës ishte një tjetër surprizë.
Vlen të theksohet edhe fitorja e thellë e Maqedonisë së Veriut në transfertë ndaj Armenisë me rezultatin 5-0, ku spikati futbollisti shqiptar Enis Bardhi, i cili arrite të shënonte tre gola. Maqedonia e Veriut pozicionohet në vendin e dytë të grupit J dhe nëse fiton ndeshjen e fundit, siguron automatikisht "play-off".
Ndeshjet e luajtura sot:
Grupi A
Azerbajxhan – Luksemburg 1-3
Irlandë – Portugali 0-0
Grupi B
Gjeorgji – Suedi 2-0
Greqi – Spanjë 0-1
Grupi H
Rusi – Qipro 6-1
Maltë – Kroaci 1-7
Sllovaki – Slloveni 2-2
Grupi J
Armeni – Maqedoni V. 0-5
Gjermani – Lihtehshtejn 9-0
Rumani – Islandë 0-0
