Ditën e djeshme Kreta u trondit nga një tërmet me magnitudë 5.8 i shkallës Rihter duke lënë një të vdekur dhe 11 të plagosur. Më shumë se 1.000 ndërtesa kryesisht prej guri në Arkalochori dhe zonat fqinje konsiderohen të papërshtatshme për të banuar sipas vlerësimeve fillestare. Ndërsa thuhet se ka edhe shumë dëmtime në infrastrukturë dhe rrjetet e furnizimit me ujë. Ndërkohë banorët janë shfaqur të frikësuar dhe për shkak të panikut u detyruan ta kalojnë natën jashtë. Autoritetet kanë ngritur çadra jashtë për qytetarët për të kaluar natën. Mbi 2500 njerëz janë strehuar në çadra.
