Muajin e kaluar, revista e njohur “Forbes’ e shpalli Rihannën zyrtarisht një miliardere. Falë karrierës së saj si këngëtare dhe në brendet e modës, Rihanna ka një pasuri me vlerë prej 1.7 miliardë dollarësh. Por, çfarë bënte ajo para se të bëhej e famshme? Rihanna ka treguar se kishte aftësi krijuese dhe madje kreativitetin e saj e shfaqi në moshën 14-vjeçare në vendlindjen e saj, Barbados.
Së fundmi, janë publikuar disa foto të këngëtares e cila shihet duke dizenjuar kostume. Anëar Muhammed, një dizanjer 72-vjeçar u shpreh se Rihanna ishte ajo që e ndihmonte atë të krijonte stile për festivalet e rrugës në kohën kur ajo ishte një vajzë e thjeshtë. Muhamedo ka treguar se edhe pse në një moshë të re, Rihanna ishte e destinuar për të qenë numri një.
“Të them të drejtën nuk do të them që kam luajtur një rol të madh në karrierën e saj, por jam shumë krenar me të. Mendoj se dizajnet e saj janë një tjetër nivel dhe thjesht jam i lumtur që e kam parë potencialin e saj vite më parë.”-u shpreh Anëar.
