Ushtria Serbe është afruar dy kilometra larg Jarinjes në mëngjesin e sotëm dhe ekipi i Televizionit Publik serb ka vënë re anëtarë të ushtrisë serbe në rrugën që çon në Jarinje, raportojnë mediat serbe.
Aktualisht janë katër automjete të blinduara më pak se dy kilometra larg kufirit Kosovë – Serbi.
Bëhet fjalë për dy “lazarë” dhe dy “milos”.
Gazetari thotë se nuk e kanë zbuluar ende se nga cila njësi janë anëtarët e Ushtrisë që janë atje, por thuhet se është një bazë pranë Jarnijes.
Ushtria serbe është në gatishmëri për shkak të situatës së krijuar në veri dhe gjithashtu ka përmendur avionët ushtarakë serbë që kanë fluturuar mbi Jarinje.