JOQ Albania
App Store
SHKARKO
Home
JOQ Albania

Erion Veliaj i jep 100 MLN Lekë “mashtrueses” SHPRESA! I ka bërë miliona euro dem shtetit duke vjedhur
Shkruar nga: F Tenolli | Publikuar më: 21/09/2021 23:43

  • Share
  • Share
  • Share
  • Share

E njihni të gjithë tashmë “gllabëruesen” e tenderave publikë, atë që megjithëse ka qenë e dënuar për mashtrim të shtetit me TVSH, vazhdon e ha nga paratë tona. Bëhet fjalë pikërisht për Shpresa Joanidhin dhe çetën e saj të rrethit të ngushë familjaro-shoqëror të DION-AL, ish-SHPRESA SHPK, kompanisë që i ndryshoi emrin për të mos rënë në sy kur të përfitonte paratë e popullit. Ajo sëbashku me disa biznesmenë të tjerë u akuzuan për një dëm me vlerë miliona euro ndaj shtetit. Çuditërisht Shpresa vazhdon e merr tendera, megjithëse ligji i Prokurimeve Publike ia ndalon një gjë të tillë dhe duhet ta kishte përjashtuar me kohë nga pjesëmarrja në garat e procedurave publike.

Në kriteret e përzgjedhjes dhe kualifikimit speficifikohet në pikën c se ofertuesi: Nuk është dënuar për ndonjë vepër penale, në përputhje me nenin 76/1 të LPP-së; Por totalisht e kundërta ka ndodhur me Shpresën e cila ka qenë e dënuar për mashtrim. Ajo me kompaninë e saj mban një ndër vendet e para në 5-shen e përfituesve më të mëdhenj në Bashkinë Tiranë.

Këtë radhë është Veliaj ai që i ka dhënë një tender me vlerë 106 MLN LEKË pa TVSH, totalisht në shkelje për “Mungesë Konkurrencë” pasi kompania e Joanidhëve e ka përfituar duke garuar me veten. Me institucion Prokurues Agjencinë e Parqeve dhe Rekreacionit, objekti i tenderit ka qenë: “Tirana Akademi e Çiklizmit (Ndërtim Montim)”, me një diferencë thuajse të papërfillshme me Fondin Limit.

Miliardat që ka përfituar Shpresa në kurriz të taksapaguesve shqiptarë, me shifra të fryra e të stërmadhuara, shkojnë në shifra 3 shifrore, përpos atyre që ka përfituar nga sektori i Shëndetësisë. Pse mos të bëjë qejf Shpresa, kur nuk ka SPAK e ligjin e bën Maliqi?!


4 milion euro dëmi/ Pronarja e Shpresa Al ia hedh fajin administratores së re: Ajo merret me faturat e shit-blerjes

*Shënim I: Pjesët e nënvizuara në tekst me ngjyrë të kuqe, janë hiperlinke që të drejtojnë në faqe të tjera, informacione shtesë, shpjeguese në lidhje me lajmin*

© 2020 JOQ ALBANIA Të gjitha të drejtat e rezervuara

Ky artikull është ekskluziv i JOQ ALBANIA, gëzon të drejtën e autorësisë sipas Ligjit Nr. 35/2016, "Për të drejtat e autorit dhe të drejtat e lidhura me to". Shkrimi mund të ripublikohet nga mediat e tjera vetëm duke cituar JOQ ALBANIA dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.