Goditjet me kokë në futboll mund të ndalohen në të ardhmen, nëse fushata e nisur nga një grup aktivistësh dhe neurologësh është e suksesshme. Sipas tyre, goditjet me kokë në sportin më popullor në botë janë shkaktare për shumë sëmundje mendore deri tek Alzheimeri.
Ndeshja e parë e futbollit ku goditja e topit me kokë ndalohet pritet që të zhvillohet në fund të këtij muaji mes “legjendave” dhe lojtarëve aktualë të skuadrës amatore britanike, Spennymoor Town. Sipas një profesori nga Universiteti i Glasgoë, Willie Stewart sëmundja neurodegjenerative e trurit lidhet me futbollin për shkak se studimet treguan se mbrojtësit ishin më të rrezikuar sesa portierët, të cilët nuk godasin topin me kokë.
