Zyrtarisht një lojtar i PSG-së, Messi flet para mediave: Jam shumë i lumtur, do të luaj me më të mirët

Mbrëmjen e kaluar Paris Saint-Germain prezantoi zyrtarisht Lionel Messin si lojtarin e tyre më të ri pas largimit të tij nga Barcelona. Sot në orën 11:00 Messi doli në një konferencë për shtyp bashkë me presidentin e parizienëve Nasser Al-Khelaïfi i cili tha se është shumë i lumtur me ardhjen e Messit në Paris dhe kërkoi sa më shumë trofe nga ai. Nga ana tjetër Messi tha se ishte shumë e vështirë të shkëputej nga Barcelona pasi kishte kaluar shumë vite atje, por që tani është i lumtur në Paris dhe shpreson se do të bëjë më të mirën ashtu siç ka bërë gjithmonë.

Jam shume i lumtur. Të gjithë e dinë se sa i vështirë ishte largimi im nga Barcelona. Është e vështirë të imagjinohet një ndryshim pas kaq shumë kohësh. Por tani mbërrita këtu dhe jam shumë i lumtur. Unë jam duke shijuar ardhjen time me familjen time. Tani, me të vërtetë dua të stërvitem, të gjej stafin dhe shokët e mi të skuadrës. Këtu ka lojtarë të mëdhenj në të gjitha pozicionet, me ardhje spektakolare përveç skuadrës që ishte. Unë do të luaj me më të mirët dhe kjo është e bukur.

Ndërsa në lidhje me fitimin e trofeve dhe Ligës së Kampionëve Messi tha:

Detajet e vogla do të bëjnë diferencën. Ne e dimë se sa e vështirë është Liga e Kampionëve. PSG gjithashtu e di atë, duke qenë shumë afër fitimit të tij. Është gjithmonë e vështirë. Do të duhet një grup i bashkuar, i fortë. Unë mendoj kështu, nga jashtë gjithsesi. Edhe pak fat, sepse ky është një faktor përcaktues. Jo gjithmonë fiton më i miri. Liga e Kampionëve është një konkurs i veçantë, i cili e bën atë kaq të bukur dhe të rëndësishëm.

Dhë në fund përshëndeti edhe tifozët francezë të cilët e mirëpritën që nga dita e para kur ai u largua nga Barcelona.

Faleminderit parizianëve. Ishte çmenduri. Nëse më mungonte diçka për të qenë i lumtur, kjo ishte qershia mbi tortë. Shpresoj se do të kalojmë një kohë të mirë së bashku për të arritur qëllimet e klubit.

"Je pense que j'arrive dans une équipe pratiquement aboutie [...], le Club a été très proche de gagner la Ligue des Champions et moi je peux aider."

Lionnel #Messi à propos de la Ligue des Champions 🗣️

Toute l'actualité du sport avec INFOSPORT+ https://t.co/u6BZuPnEdy pic.twitter.com/WGLa0yWlF8

— INFOSPORT+ (@infosportplus) August 11, 2021