Ditën e sotme Austria ka pezulluar vaksinimet nga një grup vaksinash të AstraZeneca kundër Covid si një masë paraprake, pasi një person humbi jetën dhe një tjetër është në gjendje të rëndë pas marrjes së vaksinës. Sipas mediave të huaja një grua 49-vjeçare ndërroi jetë si rezultat i çrregullimeve të rënda, ndërsa një grua tjetër 35 vjeç është në gjendje të rëndë, pasi zhvilloi një emboli pulmonare, një sëmundje akute e mushkërive e shkaktuar nga një mpiksje gjaku. Vlen të thuhet se të dyja gratë shfaqën probleme me shëndetin thuajse në të njëjtën distancë kohore pas marrjes së vaksinës nga e njëjta ngarkesë në klinikën e rrethit Zwettl. Të dyja gratë ishin infermiere në klinikën e Zwettl. Mpiksja e gjakut nuk është një ndër efektet anësore të njohura të vaksinës, megjithatë po hetohet për të përjashtuar plotësisht çdo lidhje të mundshme me vaksinën.
Burimi: www.newsbreak.com | Përktheu dhe Përshtati: JOQ ALBANIA