Një rrëshqitje e dheut shkaktoi shembjen e një pjese të madhe të varrezave të Camogli, një fshat bregdetar dhe turistik në provincën e Genova, në Itali. Një pjesë e kreshtës shkëmbore në majë të së cilës janë varrezat ra në det, bashkë me varret. Të paktën 200 arkivole përfunduan në ujë. Ekipet e zjarrfikësve Rapallo dhe një ekip zhytësish mbërritën në vend. Shkaqet e shembjes së tokës që strehon varrezat nuk janë ende të qarta, por për disa ditë po punohej në shkëmbin që u shemb në det sepse ishin regjistruar lëvizjet në tokë. Ditët e fundit vendi ishte goditur nga një stuhi e fortë që shkatërroi edhe më shumë tokën. Shembja mori me vete një krah të varrezave dhe qindra vendvarrime. Zjarrfikësit dhe personeli i Mbrojtjes Civile menjëherë u përpoqën të rimarrin arkivolët që përfunduan në ujë, por vetëm rreth dhjetë prej tyre ishin sjellë përsëri në tokë.
Burimi:corrieredellasera Përktheu dhe përshtati:JOQ ALBANIA