Zhdukja e 19-vjeçares shqiptare në Greqi, flet vëllai i saj: Ajo është e ndrojtur, kemi frikë se mund t’i ketë ndodhur diçka

Ishte 19 tetor 2020 kur 19-vjeçarja shqiptare Artemis Vasili u largua nga shtëpia për të mos u kthyer më. Artemis ishte larguar nga shtëpia për një intervistë pune, por që nga ajo kohë, gjurmët e saj janë zhdukur dhe telefoni i saj celular është i fikur. Siç doli nga hetimet e policisë, 19-vjeçarja nuk shkoi kurrë në intervistë. Ditën e djeshme, vëllai i saj gjatë një interviste për mediat greke tha se kur ai ishte ngritur për të shkuar në punë në orën 10:30 nuk e kishte vënë re motrën e tij në shtëpi dhe se motra e tij ishte larguar në 3 të mëngjesit dhe që atëherë është zhdukur. Lidhur me një video që është në dispozicion të tyre, ku është regjistruar motra e tij, ai theksoi se 19-vjeçarja nuk ndoqi rrugën e planifikuar. Pasi familja e 19-vjeçares shkoi në polici për zhdukjen e saj, ai vetë e kërkoi atë me miqtë e tij, ndërsa i thirri edhe të afërmit e saj.

Ne nuk fjetëm tre netë. Artemis është e ndrojtur. Kjo është arsyeja pse kemi frikë se diçka mund t'i ketë ndodhur asaj, ajo nuk ka treguar për ndonjë marrëdhënie që kishte patur para se të zhdukej. Nëse shoh para meje ata që e mbajnë, nuk e di se çfarë mund të bëj në atë moment. Unë dua që ata të lënë motrën time vetëm dhe ajo të kthehet në shtëpinë e saj tek ne. Unë nuk dua asgjë tjetër. Unë dua vetëm motrën time për momentin, asgjë tjetër ... Ne jemi një familje e lidhur ngushtë, natyrisht.

Ndërsa konfirmoi se ata përjashtojnë mundësinë që ajo të jetë largaur vullnetarisht nga familja, duke thënë se ky nuk është karakteri i saj.