Një aksident fatal u regjistrua para disa ditësh në Rubik, në Rrugën e Kombit si pasojë e të cilit u shua familja Avdija nga Kosova. Shkak i aksidentit u bë një parakalim i gabuar i keyrefamiljarit Blerim Avdiaj i cili drejtonte një automjet tip "Citroen". Nga aksidenti humbën jetën Blerim Avdiaj 50 vjeç, Anjeza Avdiaj 34 vjeçe, Medine Avdiaj 5 vjeç dhe Klejdi Koçi 11 vjeç. Ndërkohë nga ky aksident mbeti e plagosur rëndë vajza 3-vjeçare Voleta Avdiaj. Aktualisht ajo ndodhet nën kujdesin e mjekëve tek Trauma në Tiranë, jastë rrezikut për jetën.
Por një "mosmarrëveshje" duket se ka lindur mes dy familjeve për kujdestarinë e vajzës. Familjarët e Blerim Avdiajt thanë për "Shqipëria Live" se duan që vajzën e vogël ta marrin në Zvicër. Por sipas tyre, familjarët e Anjezës nuk e lejojnë një gjë të tillë.
Një e afërme e Blerimit tha:
Nuk kemi pasur asnjëherë probleme me familjarët e Anjezës. Me Blerimin kam folur me të një ditë para ngjarjes. Ai ka folur më një shok të tij dhe i ka thënë se çdo gjë është mirë.
Ndërkohë vajza e Blerimit nga martesa e parë e tij, tha:
Na jemi 3 motra e dy vëllezër. Kemi humbur nënën e babanë. Kemi ngelur vetëm. Ajo është gjaku im, krejt gëzimi jonë. Kemi pas kontakt me familjen e Anjezës, por nuk shkojmë dot ta shohim. Ajo është e sëmurë, ka thyer këmbën. Ne po presin që ajo të shërohet. Nuk na lejojnë. Ajo është e vogël dhe nuk e kupton se çfarë ka ndodhur e po ndodh. Kur ajo të bëhet sa më mirë, ne duam që të ikim që ta marrim. Por nuk mund të shkojmë që tani.
Nga ana tjetër kunati i Blerimit ndërhyri duke thënë, se ishin të kënaqur që nga aksidenti tragjik arriti të shpëtonte vajza 3-vjeçare.
Ai tha:
Ne dëshirojmë që ta marrim sa më shpejt e që të shërohet në Zvicër. Të dielën u bë varrimi i tyre, por në atë moment kemi patur probleme me mikun e mikut. Me një mik të prindërve të Anjezës. Ai na bëri diçka të keqe dhe na tha se nuk mund ta marrim vajzën në Zvicër, por do të qëndrojnë në Shqipëri. Ata donin të kapeshin me ne, nuk e gjetëm një gjuhë të përbashkët me ta. Ama vajza i ka 3 motra e dy vëllezër nga martesa e parë e Blerimit. Ajo ka nënshtetësi zvicerane.
