Zlatan Ibrahimoviç vijon të sfidojë moshë. 39-vjeçari ishte heroi i Milanit, në triumfin 0-2 ndaj Kaljarit. Bomberi suedez realizoi dopietë duke i siguruar 3 pikë të arta kuqezinjve. Ibra mungonte prej 57 ditësh, për shkak të një dëmtimi, por u kthye më i fortë se më parë. Ai foli pas ndeshjes për mediat italiane duke u shprehur se ndihet mirë dhe se mirëpret Mario Mandzukic, i cili firmos sot me kuqezinjtë.
Ibra tha:
A besoj te titulli? Unë besoj në veten time, besoj te Zlatani. Jam i lumtur për Mandzukiç, tashmë do të jemi dy veta që do të tmerrojmë kundërshtarët. Rinovimi? Varet nga ai, nga Paolo Maldini. Unë jam shumë i lumtur në Milano. Ky kthim në Milano më ka ndryshuar shumë, jam shumë i lumtur. Të rinjtë më motivojnë, ata më sfidojnë të shoh kush vrapon më shumë, unë nuk dorëzohem dhe tregoj se mund të vrapoj si ata. Ne po bëjmë mirë, jemi gati në gjysmën e kampionatit. Tani fillojnë ndeshjet më të vështira.
