Para pak ditësh një ngjarje e rëndë u raportua nga Ksamili ku 40-vjeçari Elidon Xhaferri kishte përdhunuar 5 vjet rresht vajzën e gruas së tij, vetëm 14-vjeç. Ngjarja ka nisur që kur vajza ishte 9 vjeçe, ndërsa abuzimi i fundit sipas vajzës nga njerku ka ndodhur më 4 janar 2021, ku dhe 14-vjeçarja mori guximin për të denoncuar rastin. Ditën e sotme gjatë një interviste për një emision televiziv ka folur dhe e ëma e të miturës, Elentina Xhaferri. Elentina tha se bashkëshorti i saj Elidoni, i cili ishte i dyti për të shfrytëzonte momentet kur ajo ishte në punë, largonte djalin e vogël nga shtëpia dhe abuzonte nën kërcënim me vajzën. Më tej ajo tregon se Elidoni ishte shumë i dhunshëm, pasi e dhunonte fizikisht atë dhe fëmijët, ndërsa ishte xheloz i sëmurë. Elentina kishte kërkuar disa herë të shkëputej prej tij pas dhunës fizike, por në fund kishte pranuar gjithmonë ta falte. Gjithashtu Elentina tregoi se se Elidoni i kërkonte ta lane vajzën dhe ajo mendonte se e bënte si baba.
Nëna e 13-vjeçares ka shtuar se Elidoni nuk e lejonte të qëndronte shumë me djalin e saj, pasi nuk e donte.
