JOQ Albania
App Store
SHKARKO
Home
JOQ Albania

Përdhunimi i të miturës nga njerku, flet e ëma: Ai “kapte” vajzën sa herë unë largohesha nga shtëpia
Shkruar nga: A Shehaj | Publikuar më: 18/01/2021 14:08

  • Share
  • Share
  • Share
  • Share

Para pak ditësh një ngjarje e rëndë u raportua nga Ksamili ku 40-vjeçari Elidon Xhaferri kishte përdhunuar 5 vjet rresht vajzën e gruas së tij, vetëm 14-vjeç. Ngjarja ka nisur që kur vajza ishte 9 vjeçe, ndërsa abuzimi i fundit sipas vajzës nga njerku ka ndodhur më 4 janar 2021, ku dhe 14-vjeçarja mori guximin për të denoncuar rastin. Ditën e sotme gjatë një interviste për një emision televiziv ka folur dhe e ëma e të miturës, Elentina Xhaferri. Elentina tha se bashkëshorti i saj Elidoni, i cili ishte i dyti për të shfrytëzonte momentet kur ajo ishte në punë, largonte djalin e vogël nga shtëpia dhe abuzonte nën kërcënim me vajzën. Më tej ajo tregon se Elidoni ishte shumë i dhunshëm, pasi e dhunonte fizikisht atë dhe fëmijët, ndërsa ishte xheloz i sëmurë. Elentina kishte kërkuar disa herë të shkëputej prej tij pas dhunës fizike, por në fund kishte pranuar gjithmonë ta falte. Gjithashtu Elentina tregoi se se Elidoni i kërkonte ta lane vajzën dhe ajo mendonte se e bënte si baba.

Ai "kapte" vajzën sa herë unë largohesha nga shtëpia. Nuk e kisha kuptuar. Më kërkonte të lante vajzën, mendoja se e bënte si baba. I kërkova të vizitoja vajzën te gjinekologu sepse pashë diçka, nuk më lejoi. Vajza erdhi dhe më tregoi te puna, më pasi i tha motrës sim. Elidoni e pranoi se përdhunonte vajzën time pasi i ballafaqova.

Nëna e 13-vjeçares ka shtuar se Elidoni nuk e lejonte të qëndronte shumë me djalin e saj, pasi nuk e donte.

Jam shumë e shkatërruar. Kur më mori në telefon motra e më tha a nuk e kuptove se burri të përdhunon vajzën. Kur më erdhen te puna i thashë vajzës ‘ça po shpik”. Më tha e di që sdo me besoje, dhe Elidoni më kërcënonte: “Do të të ther mamin, do të të largoj nga vëllai”. Elidoni erdhi te puna e më pyeti ku e ke vajzën, e gënjeva se mund të kuptonte ndonjë gjë. Vajzën e kisha aty, por i thashë po merret me detyrat e anglishtes. Pastaj fola me vajzën, e më tha më bëj kamer të shohësh se po them të vërtetën. Kur shkova në shtëpi, mendova më gjatë.