Vetëm pak ditë më parë sheti ynë u turpërua si mos më keq, pasi qeveria gjermane dhuroi 200 palë këpucë për policët tanë. Duket se financat dhe gjendja ekonomike e Ministrisë së Brendshme ishte aq e keqe saqë nuk kishin mundësi për të blerë as këpucë për policët e RENEA. Të gjorët mësohet se kryenin operacionet elitare me këpucë të konsumuara, një fakt ky i vënë në dukje edhe në vetë deklaratën e Ambasadës Gjermane. Mirëpo përtej këti fakti skandaloz e të turpshëm, duket se Ministria e Brendshme me në krye Sandër Lleshin vazhdojnë të tallen përsëri në mënyrë të hapur ndaj policëve të shkretë.
Kështu, në një kohë që policët u feëlliqen keq para gjithë kombit, Sandri organizon një tender me fond limit prej 35 milionë lekësh të vjetra me TVSH për programe anti-spam për emailin. Po, po, e lexuat mjaft mirë. Sandër Lleshi planifikon të harxhojë plot 35 milionë që janë thuajse e njëjta vlerë e dhuratës që Gjermania bëri për këpucët e policëve të RENEA. Ky fakt tregon më së miri se në fakt drejtuesëve të policisë as që nuk u intereson policia apo efektivët e saj, por u intereson vetëm si të organizojnë tendera pa kuptim në mënyrë që të pasurohen. Të mos harrojmë këtu faktin që Sandër Lleshi harxhoi gati 100 milionë lekë për të blerë super makinën BMË për veten e tij.
