Kompanitë telefonike në Shqipëri vijojnë aksionin e zhvatjes së klientëve dhe e gjitha kjo me paturpësinë më të madhe. Rastet e denoncimeve dhe ankesave nga ana e qytetarëve kanë qenë të shumta, ndër të cilat i kemi publikuar edhe ne. Ndërkohë një tjetër rast àbùzimi me çmimet ka mbërritur në redaksinë JOQ Albania nga një kliente e kompanisë ALBtelecom. Ajo shprehet se kompania në fjalë i ka dërguar një faturë prej 16 mijë lekësh të vjetra, e cila e konvertuar me minutat që ka shpenzuar nuk shkon më shumë se 7 mijë lekë të vjetra. Në një bisedë që ka patur me kompaninë, pasi ajo i ka parashtruar ankesën e saj, përgjigjja që ka marrë ka qenë që klientja të shkojë dhe të paraqitet në një dyqan ALBtelecom për të bërë edhe njëherë llogaritë dhe verifikimin e faturës.
Ndërkohë qytetarja i shkruan se ka prova të mjaftueshme, të cilat vërtetojnë shkeljen dhe àbùzimin me çmimin dhe nuk është e nevojshme për të shkuar në dyqanet e kompanisë, aq më tepër në situatën kritike në të cilën ndodhet vendi për shkak të Covid. Por, pas bisedës, shërbimi i klientit nuk i ka kthyer përgjigje.
Mesazhi i mbërritur nga qytetarja: