Floresha Rasha, e cila u kthye pak ditë më parë nga Siria mësohet se është marrë në pyetje nga agjentët e Antiterrorit. Ajo do të pyetet për afro 7 vitet që kaloi në kamp. Rasha iku në Siri bashkë me bashkëshortin e saj, por ai mbeti i vrarë gjatë një bombardimi. Më pas ajo u martua sërish me Lavdrim Muhaxherin, dhe thuhet se me të ka dy fëmijë. Rasha është marrë në pyetje në prani të psikologut, ndërkohë që vetë ajo është e plagosur, pas një incidenti në kamp.
Xhihadistët të cilët rekrutuan burrin e saj dhe më pas e 'eliminuan' , e bllokuan Floreshën bashkë me fëmijët. Familja Rasha është me origjinë nga Sllova e Dibrës, kurse Diamant Rasha ka lindur më 24.08.1980. Diamanti ishte frekuentues i xhamisë te Unaza e Re në Tiranë ku ishte imam Genci Balla dhe dyshohet se ai ka qenë një prej të rekrutuarve, për t'u nisur në lúftë në Siri. Ai mendonte se pas lúftës do të jetonte në Siri i qetë, por nuk ndodhi kështu.