JOQ Albania
App Store
SHKARKO
Home
JOQ Albania

Avokati: Nëse nuk bëhet presion ndërkombëtar, krimet serbe në Kosovë do mbeten të padënuara
Shkruar nga: N Hoxha | Publikuar më: 22/11/2020 1:55

  • Share
  • Share
  • Share
  • Share

Arrestimi i katër ish luftëtarëve të UÇK-së dhe dalja e tyre para Gjykatës Speciale në Hagë, ka shkaktuar diskutime të shumta në Kosovë dhe Shqipëri. Në lidhje me këtë çështje ka folur edhe avokati Tom Gashi, i cili i ftuar tek "Ora News" analizoi procesin gjyqësor në Hagë ndaj Hashim Thaçit, Kadri Veselit, Rexhep Selimit dhe Jakup Krasniqit.

Ai tha:

Gjykata Speciale e formuar nga qeveria e Kosovës cdo ditë e më tepër jep sinjale se nuk i beson askujt në Kosovë. Edhe në aksionet e bastisjes pólicia e Kosvoës ka qenë vetëm asistencë. Në 5 vite ata kanë dëshmuar se nuk i besojnë fare autoriteteve kosovare. Ata mendojnë se udhëheqësit e Kosovës kanë lidhje të shumta me të gjitha pushtetet në Kosovë, duke nisur nga pushteti gjyqësor, në prokurori, pólici e gjykata. Ata nuk do ta thojnë kurrë këtë. Por kjo është e vërteta. Ata nuk kanë kurrfarë besimi, ose besueshmëria është jashtëzakonisht e ulët pasi e konsiderojnë Kosovën si një shtet i kapur nga korrupsioni. Nuk do të kemi asnjë ushtarak, pólici e paramilitar serb në Hagë. Është çmenduri totale si ndodhi që në 2015 të nxirrej një ligj i tillë kur faktikisht në raport me Gjykatën Speciale serbëve iu dha një amnisti. Tani Beogradi nuk akuzon dhe as gjykon serbët. Kosova e ka të vështirë vetëm nëse ndonjë serb humb rrugën dhe vjen në Kosovë dhe nëse nuk e ka ditur se është i hetuar mund të jetë i arrestuar dhe gjykuar për krímet në Kosovë. Por kemi 21 vite që lúfta mbaroi dhe dëshimtarët humbin jetën, provat shkatërrohen dhe personat që kanë qenë aktivë ushtarakë dhe pólicë nga ana e Serbisë, sigurisht që kanë një moshë të caktuar dhe përjetësisht nuk mund t'i ndjekim ata. Në aspektin, që ne nuk do të arrijmë që Kosova të jetë shtet aq i fortë sa Institucionet në Izrael të cilët përjetësisht merren me kapjen e krímínelëve nazistë dhe i dërgojnë në Izrael për t'i gjykuar.